Заголовок презентации Место для подзаголовка

Vazirlik matbuot xizmati tomonidan ma’lum qilinishicha, muloqotlar chog‘ida Seul va Toshkentda qo‘shma biznes markazlari ochilishi rejalashtirilayotgani ma’lum qilindi.

“Mazkur biznes markazlar ikki davlat tadbirkorlariga yangi texnologiyalarni tijoriylashtirish va O‘zbekistonning eksportga ixtisoslashtirilgan kichik va o‘rta biznes korxonlariga koreys investitsiyalarini jalb etish uchun qo‘shma kompaniyalar tashkil etishda ko‘mak beradi”, deyiladi xabarda.

Evergreen Motors Group raisi O‘zbekistonda 10 ta maktabgacha ta’lim muassasasi ochish, buning uchun 12 million AQSH dollari miqdorida sarmoya kiritish rejalari haqida so‘zlab berdi.

Qayd etilishicha, Sejong universitetining 15 ta turli fakultetlarga ega filialini ochish istiqbollari ham muhokama qilinib, tibbiyot yo‘nalishiga alohida e’tibor qaratildi.

O‘z navbatida, yaqin kunlarda maktabgacha ta’lim yo‘nalishi bo‘yicha Puchon universitetining 2 fakultetini tashkil etish va uni qurish mo‘ljallanayotir.

Janubiy Koreyaning mazkur kompaniyasi oldinroq 200 million dollarlik to‘g‘ridan-to‘g‘ri investitsiya hisobiga yurtimizda “Hyundai” avtomobillarini ishlab chiqarishni ham maqsad qilgani haqida xabar bergandik.