Z islomov, D. Rahimjonov, J. Najmiddinov

DINLERDI  KLASSIFIKACIYALAW — dinlerdi  úyreniwde  olardıń  tariyxı, 
isenim  tiykarları,  dogmaları,  sonday-aq,  bir-birine  tásiri  usaǵan  tárep-
lerin  itibarǵa  alıw.
ESXATOLOGIYA — dúnyanıń  aqırı,  ol  dúnya,  jánnet,  dozaq  haqqındaǵı 
túsinikler  jıyındısı.
FAQIH — fiqh  (din  haqqındaǵı  ilim)  iliminiń  bilimdanı.
GÚNÁH  (parsı. — jınayat,  ayıp;  mánistegi  arab.  «junoh»  sózinen 
alınǵan) — shariyat  nızamlarına  hám  diniy  isenimlerge  qarsı  is  yaki 
is-háreket.
IBRONIY (ibr. «evrey», «avar» — arǵı táreptiń adamı, keship ótiw») — yahu-
diylerdiń  dereklerdegi  atlarınan  biri.  «Ibroniy»  ataması  Ibrahim  (s.a.) 
nıń  Mesopotamiyadan  Kanonǵa  kóship  ótiw  waqtında  júzege  kelgen. 
Izertlewshilerdiń  pikirinshe,  olardıń  bunday  atalıwına,  bálkim,  dáryanı 
keship  ótip  kelgeni  sebep  bolǵan  shıǵar.
INJILLESTIRIW — missionerlik shólkemleri tárepinen Injildi keń tarqatıw 
mánisinde  qollanılatuǵın  atama.  Bazıda  bul  sóz  missionerliktiń  sinoni-
mii  sıpatında  da  qabıl  etiledi.
ISLAMOFOBIYA  (arab. — islam,  grek.  phobiya — qorqıw) — islam  dinin 
qorqınıshlı  kóriniste  kórsetiw,  barlšq  jamanlıq  hám  jınayatlardı  onıń 
atı  menen  baylanıstırıp,  xalıq  qatlamın  islamnan  qorqıtıwǵa  qaratılǵan 
háreket.