Z. D. Rasulova, Sh. H. Quliyeva, A. R. Jo‘rayev texnologiya fanini o‘qitish metodikasi

Yog‘ochlarni tabiiy holda quritish
eng oddiy, oson va arzon usul 
hisoblanadi. O‘quv ustaxonasida ishlatiladigan yog‘och materiallari ham ko‘pincha 
tabiiy usulda quritiladi. Buning uchun quritiladigan yog‘och materiallar maktab 
sharoitiga qarab bostirmalarda, ombor, chordoqlarda maxsus tagliklar ustiga taxlab 
saqlanadi. Qish faslida yog‘och materiallar tezroq qurishi uchun ulardan keragicha 
qirqib olinib, o‘quv ustaxonalarida saqlanadi, ba‘zan isitish tarmog‘idagi 
batareyalar ustiga yoki pechkalar yoniga terib qo‘yiladi. Yog‘ochlarni sun’iy 
quritish kameralarda olib boriladi. Bu usulda quritiladigan material kameraga terib 
taxlanadi va issiq havo yuboriladi. Kamerada quritish tabiiy quritishga qaraganda 
qator afzalliklarga ega. Kamerada yog‘och juda qisqa vaqt ichida quriydi va katta 
maydonni talab etmaydi. Kamerada yog‘ochni xohlagan namlik darajasigacha 
quritish mumkin. Kamerada haroratning yuqori bo‘lishi tufayli chirituvchi 
zamburug‘lar rivojlanmaydi. Yog‘ochlar kamerada quritilganda yorilish va tob 
tashlashning oldi olinadi. Haroratning yuqori bo‘lishi natijasida ignabargli 
yog‘ochning smolasi qotib qoladi, u keyinchalik buyum sirtiga chiqmaydi. 
Nazorat uchun savollar: 
1.
Materialshunoslik bo‘limini o‘qitish mazmunini tushuntiring. 
2.
Gazlamaning fizik xususiyatlarini ayting. 
3.
Gazlamaning mexanik xususiyatlarini tushuntiring. 
4.
Materiallarning optik xususiyatlari deganda nimani tushunasiz? 
5.
“Texnologiya va dizayn” yo‘nalishi mazmuni qanday? 
6.
Yog‘ochning fizik va mexanik xususiyatlarining bir-biridan farqi nimada? 
7.
Yog‘ochni quritish usullarini ayting.
22-Mavzu. O‘quv ustaxonasini tashkil etish va jihozlash 
Tayanch so‘zlar: 
Mehnatni ilmiy tashkil etish, mehnat intizomi, mehnat 
rejimi, mehnat unumdorligi,vaqt normasi, ish normasi,o‘qituvchining ish o‘rni, 
o
‘
quvchining ish o
‘
rni, sanitariya-gigiyena qoidalari. 

---

211