Yuzlik mavzusida didaktik materiallardan foydalanish

YUZLIK MAVZUSIDA DIDAKTIK MATERIALLARDAN FOYDALANISH
REJA
I KIRISH
II ASOSIY QISM
1. O`quvchilarni matematika faniga qiziqtirishda didaktik o`yinlarning o`rni
2. Boshlang‘ich sinf matematika darslarida didaktik vositalardan foydalanish texnologiyasi
3. Yuz ichida amallar bajarishda didaktik matriallardan foydalanish
4. Boshlang‘ich sinf matematika darslarida integrativ didaktik o`yinlardan foydalanish metodlari

III XULOSA
IV FOYDALANILGAN ADABIYOTLAR
KIRISH
Mavzuning dolzarbligi.
Matematika darsi egallanish darajasiga ko‘ra ancha murakkab hisoblanadi. Shu maqsadda boshlang‘ich sinflarda matematika darslarida ta’limiy tushunchalarni egallashning samaradorligini ta’minlovchi vositalarni ishlab chiqish yuqori samarli natijalar berish imkonini yaratadi. Bu holat, umumiy o‘rta ta’lim maktablarida matematika o‘quv predmetini o‘qitishda zamonaviy axborot texnologiyalaridan foydalanish metodikalarini ishlab chiqish, kichik mutaxassislar tayyorlashda fanlar mazmunini integratsiyalash muammosining dolzarbligini yana bir bor tasdiqlaydi. Ma’lumki, boshlang‘ich sinfda matematika darslarida ta’limiy tushunchalarini o‘quvchilar ongiga etkaza olishimizda didaktik vositalardan unumli foydalanishimiz maqsadga muvofiqdir.
Kurs ishining maqsadi. Boshlang‘ich sinf matematika predmetini o‘qitishda didaktik vositalar majmuasining ahamiyatini yoritish. Didaktik vositalarning o‘quvchilar o‘zlashtirish jarayonida samaradorlikka erishtiruvchi omil ekanligini nazariy va amaliy jihatdan asoslash.
Kurs ishining vazifalari: Boshlang‘ich sinf matematika darslari samaradorligini oshirishda didaktik vositalardan foydalanishga asoslangan ta’lim mazmuni va uni o‘qitish jarayonini kurs ishi mavzusi nuqtai nazaridan o‘rganish.
Kurs ishining predmeti. Umumiy o‘rta ta’lim maktabi boshlang‘ich sinf matematika darslari samaradorligiga erishishda didaktik vositalardan foydalanish jarayoni.