Юридик масалалар бўйича

Меҳнат шартномасининг муддати?

Меҳнат шартномалари:
номуайян муддатга;
беш йилдан ортиқ бўлмаган муайян муддатга;
муайян ишни бажариш вақтига мўлжаллаб тузилиши мумкин.
Агар меҳнат шартномасида унинг амал қилиш муддати кўрсатилмаган бўлса,меҳнат шартномаси номуайян муддатга тузилган деб ҳисобланади.
Номуайян муддатга тузилган меҳнат шартномаси ходимнинг розилигисиз муайян муддатга, шунингдек муайян ишни бажариш вақтига мўлжаллаб қайта тузилиши мумкин эмас.

5. 
   Ходимни бошқа ишга ўтказиш тартиби қандай?
   

Бошқа ишга ўтказиш икки турда бўлади: доимий ва вақтинчалик. Иккала ҳолда ҳам ходимнинг розилиги талаб этилади. Агарда маълум бир сабаблар (технологиянинг, ишлаб чиқаришнинг ўзгариши ва бошқалар) асосида бошқа ишга ўтказишни иш берувчи ходимга таклиф этади. Ходим рози бўлмаса меҳнат шартномаси умумий асосда бекор қилинади (Меҳнат кодексининг 92-95-моддалари).

6. 
   Ишга қабул қилишда дастлабки синов муддати қанча?
   

Дастлабки синов муддати уч ойдан ошиб кетиши мумкин эмас.
Вақтинча меҳнатга қобилиятсизлик даври ва ходим узрли сабабларга кўра ишда бўлмаган бошқа даврлар дастлабки синов муддатига киритилмайди. (Меҳнат кодексининг 85-моддаси).

7. 
   Дастлабки синов даврида ходимларга меҳнат тўғрисидаги қонун ҳужжатларининг татбиқ этилиши ҳақида гапиринг
   

Дастлабки синов даврида ходимларга меҳнат тўғрисидаги қонун ҳужжатлари ва корхонада ўрнатилган меҳнат шартлари тўлиқ татбиқ этилади.Дастлабки синов даври меҳнат стажига киритилади.

8. 
   Ходим томонидан иш берувчига тўланиши лозим бўлган зарар?
   

Ходим иш берувчига бевосита етказилган ҳақиқий зарарни тўлаши шарт.
Бевосита етказилган ҳақиқий зарар деганда иш берувчининг мавжуд мол-мулки (шу жумладан иш берувчи учинчи шахслардан ижарага олган мол-мулк) амалда камайганлиги ёки ёмон ҳолатга келганлиги, шунингдек иш берувчининг ортиқча тўловлар қилиш зарурати тушунилади (Меҳнат кодекси 198-модда).

9.