Юридик масалалар бўйича

(Валютани тартибга солиш тўғрисида (Янги таҳрири) ЎзР 22.10.2019 й. ЎРК-573)

9. 
   Валюта курси нима ва у қандай аниқланади?
   

Ўзбекистон Республикаси ҳудудида чет эл валютасини сотиб олиш ва сотиш бўйича операцияларда валюта курси чет эл валютасига бўлган талаб ва таклифдан келиб чиқиб, шартномавий асосда белгиланади.
Ўзбекистон Республикаси валютасининг чет эл валютасига нисбатан курсини аниқлашда фақат бозор механизмларидан фойдаланилади.
Марказий банк чет эл валютасини сотиб олиш ва сотиш тартибини белгилашда чет эл валютасига бўлган талаб ва таклиф асосида валюта курсини аниқлаш учун шарт-шароитлар яратилишини назарда тутади.
Марказий банк валюта операциялари бўйича бухгалтерия ҳисоби, статистик ҳисоботлар ва бошқа ҳисоботлар мақсадлари учун, шунингдек Ўзбекистон Республикаси ҳудудида божхона ҳамда бошқа мажбурий тўловларни ҳисоблаб чиқариш учун валюта курсини мунтазам равишда белгилаб боради.
(Валютани тартибга солиш тўғрисида (Янги таҳрири) ЎзР 22.10.2019 й. ЎРК-573)
2021 йил 15 феврал санасидан бошлаб ЎзР Валюта биржаси янги савдо тизимига ўтказилда ва Марказий банк курси ҳар кунлик тартибда белгиланиши йўлга қўйилди.

10. 
    Капитал ҳаракати билан боғлиқ валюта операциялари амалга ошириш учун резидент томонидан ваколатли банкка қандай ҳужжатлар тақдим этиши керак?
    

Капитал ҳаракати билан боғлиқ валюта операцияларини амалга ошириш учун резидент томонидан ваколатли банкка қуйидаги ҳужжатлар тақдим этилади:
Марказий банкнинг «Капитал ҳаракати билан боғлиқ айрим валюта операцияларини амалга ошириш тартиби тўғрисида»ги Низомнинг 1-иловасига мувофиқ ариза;
валюта операцияси амалга оширилишини назарда тутувчи ҳужжатнинг (шартнома, келишув, битим ва/ёки бошқа ҳужжат) ҳамда унга киритилган ўзгартириш ва қўшимчаларнинг нусхалари. Бунда ҳужжат матни давлат ёки рус тилида баён этилган бўлиши, агар ҳужжат матни бошқа тилда баён этилган бўлса, у легаллаштирилган ёки унга белгиланган тартибда апостиль қўйилган бўлиши ҳамда давлат ёки рус тилига таржима қилинган ва нотариал тасдиқланган бўлиши керак.
Мазкур ҳужжатлар тақдим этилгандан сўнг, тижорат банки томонидан белгиланган тартибда валюта операцияси амалга оширилади.