Yuqori haroratlarda issiqlik almashinuvi

Kurs ishi ishining ilmiy – amaliy ahamiyati.

Dunyo miqyosida hozirgi paytda bir yilda 500 mln tonna po„lat va 20 mln tonna har xil rangli metall ishlab chiqariladi va ishlov beriladi. Xomashyodan metall olish, asosan perometallurgiya jarayonlari yoki yoqilg„i sarflanadigan metallurgik pechlarda amalga oshiriladi. Zamonaviy metallurgik pechlar – yirik mexanizatsiyalashgan va avtomatlashtirilgan agregatlar bo„lib, ularning o„lchamlari ishlab chiqarish unumdorligiga qarab, uzunligi 250 m, eni 15 m, balandligi 30 m ni tashkil etadi. Bu pechlarda bir sutka davomida bir necha yuzdan, minglab tonnagacha dastlabgi xomashyo qayta ishlanadi va yuzlab tonna yoqilg„i yoki minglab kilovatt elektr energiyasi sarflanadi.

Pechlarni meyorida ishlashi uchun katta hajmli omborlar, shixta tayyorlaydigan joylar, transport xo„jaligi, gaz tarmoqlari, kichik elektrostansiyalar va boshqa kerakli qurilmalarni jixozlash lozim. Pechni qurishga ketadigan mablag„ bir necha yuz million so„mni tashkil etadi. Pechning ichki devori o„tga chidamli g„ishlardan teriladi, ular 2000ºS haroratga chidamli bo„ladi.

Zamonaviy pech – mukammal fizik – kimyoviy jarayonlar boradigan agregat bo„lib, unga issiqlik texnikasi jarayonlari bilan bir paytda boshqa jarayonlar ham kechadi: yani yoqilg„ining yonishi, elektr quvvatining issiqlikka aylanishi, materiallarning fizik - kimyoviy o„zgarishlari, qattiq, suyuq, gaz fazalarining harakatlanishi va hokazo. Bu texnologik jarayonlarning asosida material va buyumlarga issiqlik bilan ishlov berish yotadi.