«yulduzlar mangu yonadi»

---

@Ona_tili_va_adabiyot_N1 

 

1 

 

 

 

 

 

 

 

 

 

 

 

 

 

 

 

 

 

«YULDUZLAR MANGU 

YONADI» 

(savol-javoblar) 

 

 

 

 

 

 

 

 

 

 

 

 

 

 

 

 

 

https://t.me/Ona_tili_va_adabiyot_N1

 

(havola ustiga bosing va kanalimizga a’zo bo‘ling)

 

 

---

@Ona_tili_va_adabiyot_N1 

 

2 

 

 

---

@Ona_tili_va_adabiyot_N1 

 

3 

1. Tog’ay Murod adabiyotga tutab emas, yonib kirdi.  

(Said Ahmad) 

 

2. T.Murod qisalarida tasvirlangan odamlarga boshqa xalq libosini kiydirsangiz ham 

o’zbekligi bilinib turadi.  

(Said Ahmad) 

 

3. Bo’z ot qanday bo’ladi? Surpday oppoq bo’ladi. Bordiyu ajdodida bo’lsa, toqqizga 

to’lganda Tarlon bo’ladi. Bu yoshda No’zning badanida xolday-xolday qora donalar 

bo’ladi. Shundan boshlab bu ot Bo’z ot emas, Tarlon ot bo’ladi. To’riq otning yuzdan biri 

yaxshi bo’ladi, Tarlon otning yuzdan biri yomon bo’ladi!  

(Ot kishnagan oqshom) 

 

4. Men T.Murodning “Yulduzlar mangu yonadi” qissasida Bo’ri polvon, Tilovberdi 

polvon, Abil polvonning kurashlarini zavq-shavq bilan tomosha qildim.  

(Said Ahmad) 

 

5. T.Murod o’z ona tilini benihoya yaxshi biladi. Bilgandayam butun rangi bilan, 

ohangi bilan biladi. Shu bois, sof o’zbekcha bitadi.  

(Said Ahmad) 

 

6. T.Murodning kuyib, yonib, o’rtanib bitgan, ba’zan faryod urib bitgan “Oydinda 

yurgan odamlar” qissasini “Muhabbat qissasi”, deb atagim keldi.  

(Said Ahmad)  

 

7. “Momo yer qo’shig’i” boshqa qissalardan farq qiladi. T.Murod bu qssasida 

boshqacha yo’ldan boradi. O’z yo’lidan adashib, oyog’I yerdan uzilib, G’arb adabiyoti 

soyasi bo’lib qolgan ijodkorlarning tipik obrazini yaratadi. Shu ijodkor obrazi tufayli 

qissaga mayda-chuyda toshlar otildi.  

(Said Ahmad) 

 

8. “Ot kishnagan oqshom” qissasi “Alpomish” dostoni an’analarini eslatadigan 

xalqchil ruh bilan sug’otilgan.  

(Pirimqul Qodirov) 

 

9. “Kal” degan malomatni ma’naviy ustunlik-mohir chavandozlik shuhrati bilan 

yengib o’tadi.  

(P.Qodirov “Ot kishnagan oqshom” qissasining bosh qahramoni Ziyodulla chavandoz 

haqida) 

 

10. “Yulduzlar mangu yonadi” qissasi jarchining Zulfiqor polvinikiga sunnat to’yiga 

odamlarni chorlashi bilan boshlanadi. 

 

11. Zulfiqor polvonnikidagi to’yda Nabi oqsoqol to’yxonadagi voqealarga ko’z-quloq 

bo’lib, tegishli yo’l-yo’riqlarni beradi. 

---

@Ona_tili_va_adabiyot_N1 

 

4 

 

12. Zulfiqor polvonning oshnasi-Turdiboy to’yga echki yetaklab keladi. 

 

13. Xolboy surnaychi ikkita doirachi bilan mumtoz musiqalarni tarona etadi. 

 

14. To’y kuni Oqjargda ko’pkari bo’lishini Nabi oqsoqol e’lon qiladi. 

 

15. 5-6 bola jam bo’lib, bir uy ichida yerni aylana qilib chizdi. Aylananni gir deb 

atadi. Bir bola gir ichida qoladi, ko’zlarini yashirib turadi. Bolalar yashirinadi. Kimda-kim 

uning ko’zini shamg’alat qilib, girga chopib kirsa, shu g’olib.  

(Yashinmachoq o’yini) 

 

16. Bolalar ikki tarafga ajralishadi. Bir taraf teskari burilib turadi. Ikkinchi tarafdan 

qulochi katta bola bir qarichcha oppoq mol suyagini qulochkashlab otadi. Shunda raqiblar 

o’girilib suyak izlashga tushadi.  

(Oqsuyak o’yini) 

 

17. Kurashda polvonlarning oyog’idan zax o’tmasin uchun davraga somon sepildi. 

 

18. Kurash Keragatog’da bo’ldi. 

 

19. Kurashda Bo’ri polvon bakovul bo’ladi. 

 

20. Bo’ri polvonga Hotam polvon chiqdi. Sovringa: yaxshi to’n qo’yiladi. 

 

21. Kalishni yechdi. Mahsichan bo’ldi Qora choponining o’ngirlarini qayirib, 

belbog’iga qistirdi. Telpagini bostiribroq kiydi. Keng ham do’ng peshonasini, turtib 

chiqqan yonoqlarini siladi. Taka soqolini siladi. Kaftini tuflab-tuflab ho’lladi.  

(Bo’ri polvon) 

 

22. Shukur polvon-5-6 yoshli bola. Raisning o’g’li. Shukur polvon bilan Ermat 

polvon tushdi. 

 

23. It yiqilish- Ikki polvon baravar yiqilsa. 

 

24. Xolyor polvon-Shukur polvondan bir yosh katta akasi. 

 

25. Or-nomus uchun kurashish bolalikdan boshlanadi!  

(Yulduzlar mangu yonadi)  

 

26. Vatan-kindik qon tommish yerdan boshlanadi. 

 

27. Yetti o’lchab, bir kes!  

(Bo’ri polvon) 

 

---

@Ona_tili_va_adabiyot_N1 

 

5 

28. Tilovberdini davra oxiriga asra. Yo’g’on cho’zilib, ingichka uzilganda kunimizga 

kerak bo’lib qoladi.  

(Bo’ri polvon) 

 

29. Ko’pkarida otdan yiqilib ko’zi ojiz bo’lgan. Davraga qarayaptimi yoki olisga 

nazar solyaptimi, bilib bo’lmaydi. Boshini tik tutib, ko’zi ojizlarga xos o’tirdi, shoirona 

o’tirdi.  

(Nasim polvon) 

 

30. Beg’ubor bolalik, bebosh yoshlik yaqin olislarda-sochlarning oqi, yuzlarning 

bujuri, ko’zlarning nuri, ko’ngilning tub-tubida qoldi...  

(Bo’ri polvon) 

 

31. Oyxol xola-Bo’ri polvonning onasi. 

 

32. Nasim bilan Bo’riga o’xshagan ikki do’st hikoyasini-Suyun oqsoqol Marat 

boboga aytib beradi. 

 

33. Egachim elakli bo’ldi, elagi tilakli bo’ldi!  

(Momoqizning yonidagi qiz) 

 

34. Boboqul bilan Mamat polvon juda lanj olishadi. Davraga yolg’ondakam chiqib: 

birovimiz astagina yiqilib, olgan qo’yni so’yib yeymiz deb kelishilganliklari uchun haydab 

yuboriladi. 

 

35.Juma polvon bilan Sher polvon olishadi. 

 

36.Karim po’stak bilan Rahmat polvon olishadi. 

 

37.Xalq hukmi-haq hukmi!  

(Bo’ri polvon) 

 

38.Regar tumanidan O’tar polvon chiqib, Surxondaryoning suyangan tog’larini barini 

yiqitadi. 

 

39.Bo’ri polvon yaqinda brigadir bo’ldi. Bu, Qobil sho’roning to’yida bo’ldi. 

 

40.Qobil Sho’roning to’yida Nasim polvonning omadi keldi. U to’g’chi urug’idan 

ikki polvon bilan olishdi. 

 

41.Bo’ri polvon: bu polvon emas, govkalla!  

(Sana polvon haqida) 

 

42.Polvon misoli og’ir bir tosh bo’ladi. Og’ir tosh esa uncha-munchaga ko’chmaydi. 

Bordi-yu, bir falokat bo’lib ko’chsa, yomon ko’chadi!  

---

@Ona_tili_va_adabiyot_N1 

 

6 

(Bo’ri polvon Nasin polvon bilan olishuvga chiqqanda) 

 

43.Nasim polvon bilan Momoqizning to’yi-Olcha gullaganda bo’ldi!  

 

44.Rang ko’r, xol so’r!  

(Nasim polvon) 

 

45.Xo’jasoatlik Sadir polvon bilan sho’rchilik Ro’zi polvon olishadi. 

 

46.Maksim polvon-Sambo bo’yicha sport ustasi. 

 

47.Maksim polvon bilan olishishga hech kim chiqmagach Normurod polvon unga 

talabgor bo’ladi, lekin uni Maksim polvon bilan tushirishmaydi.  

Sababi: Normurod polvonning soqoli oq edi. 

 

48.Tilovberdi-Bo’ri polvonning o’g’li. (To’rt qizdan keyin, beshinchisi o’g’il bo’ladi. 

Tilab-tilab topganim deya Tilovberdi qo’yadi.) 

 

49.Bugun buni yo’qota bersak, ertaga uni yo’qota bersak, adirdagi podadan nima 

farqimiz qoladi?..  

(Bo’ri polvon) 

 

50.Jasad bor! Aql bor! Yurak yo’q!  

To’rt mucha bor! Kuch-quvvat bor! Yurak yo’q! 

Ko’krakda jon bor! Yurak yo’q! Yurak!  

(Bo’ri polvon) 

 

51.Farzandlar hayotga beparvo qaraydi. Musibat bilan xursandchilikning farqiga 

bormaydi.  

(Bo’ri polvon) 

 

52.Farzandlar o’zi minayotgan mashinaga o’xshaydi! Odam kim, mashina kim, bilib 

bo’lmay qolyapti...  

(Bo’ri polvon) 

 

53.Olishuvga yengsiz, yoqasiz jelak kiyib chiqdi.  

(Maksim polvon) 

 

54.O’zingni izzat qilmasang ham davrani izzat qil!  

(Bo’ri polvon Maksim polvonga)  

 

55.Kubokni umrida birinchi bor ko’rib, xushro’y samovar ekan, choy qaynatib 

ichamiz degan. Bordi-yu, eslasa, kubok nomini yaxshi aytolmaydi. Kubok so’zi tiliga 

o’tirmadi. Shu-shu, kubokni samovar deydigan bo’ldi.  

(Bo’ri polvon) 

---

@Ona_tili_va_adabiyot_N1 

 

7 

 

56.Sho’rchilik Maksim polvon bilan xo’jasoatlik Tilovberdi polvon chiqdi. Sovringa: 

Bir go’sam serka, bir juft uchlamchi kalish, besh so’m pul qo’yildi. 

 

57.Bo’ri polvon birinchi marta farg’onacha kurashni To’polon daryisi yoqasidagi 

davrada ko’rgan edi. 

 

58.Davra egalari Farg’ona vodiysidan Surxon vohasida kolxoz tuzish uchun Yo’ldosh 

Oxunboboyev tashabbusi bilan kelishgan edi. 

 

59.Farg’onaliklarni-O’zi juda muloyim xalq-da, olishlariyam o’z tabiatlaridan kelib 

chiqqan. Xudo ashulani vodiyliklar uchun yaratgan-da. 

(Bo’ri polvon) 

 

60.Hasan Sultonov-Stalin kolxozidan ashula aytgani chiqqan bir dehqon bola, asli 

qo’qonlik, qaysi bir yili rahmatlik Ma’murjon Uzoqov kelib, Toshkentga ergashtirib 

ketgan. 

 

61.Davraga chiqib kurashmagan erkakni... erkak demadi!  

(Bo’ri polvon) 

 

62.Men o’yin bilmagan ayolni-ayol demayman, davraga olishmagan erkakni-erkak 

demayman!  

(Bo’ri polvon) 

 

63.Polvonning xo’rozi samovar oladi.  

(Bo’ri polvon) 

 

64.Laylakning yurishini qilaman deb, chumchuqning puti yirtilgan ekan!  

(Bo’ri polvon)  

 

65.Bo’ri polvon bilan Ismoil ismli yosh polvon chiqdi. Sovringa: bir g’unajin, yana 

bir qancha mayda zotlar qo’yildi.  

(Shu olishuvda Bo’ri polvonning yelkasi ilk marta yerni ko’rni) 

 

66.Shermat mergan merganliksarguzashtlaridan gurung berdi. Sho’rchilik povonlarga 

ta’rif berdi. Abil polvnni ulug’ladi. 

 

67.Abil polvonning cho’nqayma usuli bor. Keyin jini bor, davraga kirganda, tutib 

qoladi. Shu boisi Abil polvonni Abil tentak, deyishadi. 

 

68.Nasim polvonning davraga kelmasligining sababi bo’yniga chipqon chiqqani 

bo’ldi. 

 

69.Jayraxona-Termizdagi jinnilarni davolaydigan dargoh. 

---

@Ona_tili_va_adabiyot_N1 

 

8 

 

70.Cho’nqayma g’oyat nozik san’at: bordi-yu, polvon cho’nqayma qilishni eplay 

olmasa, o’zi mag’lub bo’ladi. Cho’nqayma g’oyat qaltis san’at: bordi-yu, cho’nqaymaga 

olmish polvon chili chiqib keta, yerga harommag’izi bilan borib tushadi. Cho’nqaymaning 

qaltis ta’riflari tag’in ko’p... 

 

71.Bo’ri polvon Ismoil polvonni ikki oy ta’qib qildi. Termizda bo’lmish to’yga juda 

kechikib bordi. Shu to’yda Bo’ri polvon g’olib bo’ladi. 

 

72.Shafqatsiz vaqt har davrning o’z qahramonlarini yaratadi! Inson buni xoxlabdimi-

yo’qmi, vaqt uchun baribir-yarata beradi! Ana vaqt o’zining kenja zo’rini yaratdi! Ana, 

kenja zo’r, ana.  

(Bo’ri polvon haqida) 

 

73.Polvon o’zini 3 narsadan asrasin: 1. Ayolbozlik 2. Ichkilikbozlik 3. Polvon o’z 

nafs balosidan asramog’i kerak.  

(Bo’ri polvonning otasi bergan nasihatlarida) 

 

74.Yosh-yoshligini, qari-qariligini qiladi. 

 

75.Zo’r o’zgani bilamaydi. Ayniqsa o’zidan kuchsizlarni bilmaydi! Bilgisi kelmaydi! 

Boisi, ko’zga ilmaydi! Zo’rning tag’in bir fojiasi bor-zo’r mag’lubiyat alamini kam totadi. 

Zo’r-zafar og’ushida yashaydi! Zo’r mag’lubiyat alamini totib turishi lozim! Ana shunda 

o’zi haqida o’ylab ko’radi! Ana shunda sergaklik bilan yashaydi!  

(Yulduzlar mangu yonadi) 

 

76.Yo, jon chiqsin, yo, nom chiqsin! 

 

77.Bo’ri polvon o’z brigadasidagi Suluv degich qizga uylandi. 

 

78.Bo’ri polvonning ko’ngliga o’tirgani-Suluv erkak zoti ko’ziga tik qaramaydi. 

Suluv o’z oti bilan suluv bo’ldi. Suluv yuzlari aql ibosi bilan shoista bo’ldi O’roq o’rishda, 

uzum uzishda Suluvdan o’tadigani bo’lmadi. 

 

79.Tanacha ko’zini suzmasa, buqacha ipini uzmaydi! 

 

80.Xoliqulni Termizga o’qishga yuborib, o’zi uning ayoli bilan o’ynadi! Hamidni 

qayoqqadir ish bilan yuborib, o’zi uning xotini bilan o’ynadi.  

(Mirobni xotini bilan o’ynaganiga chiday olmagan mirob ijroqo’mga rais ustidan 

shikoyat qilib) 

 

81.Shu voqeadan so’ng Bo’ri polvon 20 yildan oshiq rais bo’ldi. 

 

82.O’lim qosh bilan qoboq orasida bo’ladi! 

 

---

@Ona_tili_va_adabiyot_N1 

 

9 

83.Odamzodning ko’zi vaqt o’tgandan keyin ochiladi...  

(Eski rais Bo’ri polvonga)  

 

84.Nasim Bo’ri plvonning onasining o’lganligini Denovdagi gazetadan biladi. 

 

85.Bo’ri polvonning onasining qabrini serhasham qilib marmar bilan bezagan odam-

Eski rais edi. 

 

86.Raisga ichi achib, Bo’ri polvon uni Fermer mudiri qilib qo’ydi. 

 

87.Sut bilan kirgan, jon bilan chiqadi! 

 

88.Alp-otadan, zot- onadan-da!  

(Bo’ri polvon o’g’li haqida) 

 

89.Barmoq oyini-polvonlar san’ati! Bu san’atni hech kim polvonchalik ijro 

etolmaydi!  

 

90.Moskvada o’qiydigan Jabbor bir olim oshnasini olib kelganda, kurashchilarni 

ko’rib, bular jismoniy tarbiya maktabini tugatganmi deydi.  

(Mo’min muallim)  

 

91.Klassik kurashda oyoq bilan chil berish degan gap yoq. 

 

92.Uzoqlarga qarab yashaymiz-u, oyog’imis ostidagi gavharni ko’rmaymiz! 

(Mengboy kal) 

 

93.Kitoblik Sayfiddin Hodiyev: Trenerlar meni jahon chempioni qilib yetishtirdim 

deb o’ylaydi, bilmaydiki men bolaligimdan to’ylarda olishib yurgan tayyor polvon edim.  

 

94.Erkakmisan-oyg’ida tik turgan polvon bilan olish.  

(Bo’ri polvon Maksim polvonga)  

 

95.SSSR sport ustasi-Maksim polvon. 

 

96.Temir polvon bilan Berdi polvon olishadi. 

 

97.Temir polvon Chori polvon bilan olishmaganing sababi: vaqtida Chori polvon 

unga bosh-qosh bo’lgan, to’ylarini olib borgan, o’zining hunarlarini unga o’rgatgan. Temir 

polvon Chori polvonni ustozi deb biladi va ustozimning yoqasidan ushlamayman degan. 

 

98.O’z asliga tortmagan, o’z aslini unutgan odam-odam emas!  

(Bo’ri polvon)  

 

---

@Ona_tili_va_adabiyot_N1 

 

10 

99.Abray polvon-Nasim polvonning o’g’li. Momoqizga o’xshamaydi. Otasiga 

tortibdi. Burnining puchuqligi Momoqizga kelbat beribdi. 

 

100. Abray polvon bilan Tilovberdi polvon chiqadiga bo’ldi. Sovringa: bir ho’kiz, bir 

juft ikkilamchi kalish, bir to’n, 10so’m pul. 

 

101. Jonibek polvon bilan Shodi polvon olishadigan bo’pti. Sovringa: bir turkmancha 

gilam, bir uyqudan uyg’otadigan soat, 10so’m pul. 

 

102. Polvon polvonni osmonning ko’ksiga otsayam bekor! Polvonmisan-yerning 

ustiga yiqit!  

(Bo’ri polvon o’g’liga) 

 

103. Otamiz bor ekan, bizga g’animning keragi yo’q!  

(Tilovberdi) 

 

104. Qizlarim ota deganini eshitsam bir suyunaman, nevaralarimning bobo, bobo 

deganini eshitib ikki suyunaman!  

(Bo’ri polvon) 

 

105. Bo’ri polvon rais bo’lgan vaqtlarda kolxosiga Toshkentdan Tamaraxonim 

keladi. 

 

106. Tamaraxonimdan boychechak isi kelardi! 

 

107. Hind kinosidagi qizlar-suv bilan yutguday xushro’y bo’ladi. Hind qizlarining 

qoshlari oralig’ida xol, yonoqlarida xol, iyaklarida xol.  

(Bo’ri polvon) 

 

108. Har er ko’ngilning qiz ko’ngilga aytajak gaplari bo’ladi. Ko’nglida shu gapi 

bo’lmagan yigit-yigit emasdir! Shu gapni qaysidir yigitdan intizor bo’lib kutmagan qiz-qiz 

emasdir!  

(Bo’ri polvon) 

 

109. Momoqiz rubobiy qo’shiqni kuylaydi. 

 

110. Tilovberdini o’g’ling bilan uch safargacha olishtiraman. Bordi-yu, uch marotaba 

ham o’g’ling o’ktam kelsa... unda an iloj, uchdan keyin puch! 

 

111. Har bandaning ko’kda o’z yulduzi bo’ladi. Shu yulduzning yongani-shu 

bandaning yonganidir. Shu yulduzning so’ngani-shu bandaning so’nganidir.  

(Bo’ri polvon) 

 

 

 

---

@Ona_tili_va_adabiyot_N1 

 

11 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

---

@Ona_tili_va_adabiyot_N1 

 

12