Юлдашeв А. Сирожиддинов И. Хусаинов М

Санация доирасидаги чоралар қуйидагилардан иборат: 
- ўзаро қарз суришни ташкил этиш; 
- тўлаш муддати ўтказиб юборилган қарзларни тўлиқ ёки қисман сотиб 
олиш; 
- солиқлар, йигимлар ва бошқа мажбурий тўловларни амалга ошириш 
ва давлат кредитларини қайтариш жараёнларини санация муддати бўйича 
узайтириш; 
- корхонани рақобатбардош маҳсулотлар ишлаб чиқаришга мослаб 
қайта ихтисослаштириш; 
- ташқаридан юқори малакали мутахассисларин жалб этиш; 
- ходимлар тайёрлаш ва уларни қайта тайёрлаш; 
- корхонанинг тўлов қобилиятини тиклаш ва унинг уз фаолиятини 
давом эттиришидан манфаатдор бўлган юридик ва жисмоний шахслар 
томонидан молиявий ёрдам кўрсатиш; 
- корхона ўз фаолиятини давом эттириши учун кредиторларга тегишли 
қарзларни тўлаш муддатини узайтириш, уларни бўлиб-бўлиб тўлаш ёки 
қарзларнинг муайян қисмидан кечиш тўғрисида корхона ва кредитор 
ўртасида битим тузиш; 
- ташқаридан бошқаришни жорий этиш. 
«Банкротлик тўғрисида»ги қонунга (Янги таҳрири ЎзР 24.04.2003 й. 
474-II-сон Қонуни билан тасдиқланган. 
Олдинги таҳрири
28.08.1998 йилда 
амалга оширилган. Дастлаб 05.05.1994 й. Да N 1054-XII-сон билан қабул 
қилинган 
) асосан қарздорни суддан олдин санация қилиш (33-модда) ўн 
икки ойдан йигирма тўрт ойгача муддатга жорий қилинади. Лекин шундай 
ҳолатни эсдан чиқармаслик керакки, белгиланган муддат тугагунга қадар ҳам 
санация тўхтатилиши мумкин. Санация қилишни тўхтатиш тўғрисидаги 
қарорни суд ёки ҳукумат комиссияси чиқаради. 
Ташқи бошқарувчи ташқи бошқарув муддати тугашидан 15 кун олдин 
шунингдек, унинг муддатидан олдин тугалланиши учун асослар мавжуд 
бўлганда, минтақавий комиссия орқали ҳукумат комиссиясига якуний 
ҳисобот такдим этади. Санация жараёни белгиланган муддатдан олдин 
қуйидаги ҳолатларда тўхтатилиши мумкин: 

---

263 
- корхоналарни санация қилиш борасидаги қонун ҳужжатлари 
талабларининг бажарилмаётганлиги сабабли; 
- соғломлаштириш режасида белгиланган мақсадларга эришилиши 
муносабати билан; 
- санация қилишнинг самарасиз эканлиги аниқланганлиги сабабли; 
- мақсадга эришилмаган тақдирда. 
қонунчиликка асосан банкротлик аломатларига эга бўлган, яъни 
узлуксиз зарар кўриб ишловчи, тўловга қобилиятсиз ва иқтисодий жиҳатдан 
ночор аҳвол колган барча кўринишдаги бозор субъектлари санация 
объектлари бўлиши мумкин. 
Санацияга тортилган корхоналар мол-мулкининг мулкдорлари, 
кредиторлари, ёки бошқа юридик ва жисмоний шахслар, ёки ушбу жараёнда 
мулк эгаси, қарздор ва кредитор сифатида қатнашувчи томонлар санация 
субъектлари бўлиши мумкин.