Yuksak ma’naviyatli yoshlarni tarbiyalash – ta’lim-tarbiya tizimining pirovard maqsadi

Yuksak ma’naviyatli yoshlarni tarbiyalash – ta’lim-tarbiya tizimining pirovard maqsadi
Davlatimiz rahbari Shavkat Mirziyoyevning sa’y-xarakatlari tufayli jamiyatning ma’naviy yuksalishi va o‘quvchi yoshlarinng ma’naviy kamoloti masalalari bugungi kunda davlat siyosati darajasiga ko‘tarildi. Bunday e’tibor hech bir mamlakatda yo‘q. Darhaqiqat, ma’naviyat, uning taqdiri bugungi kunda butun inson zotining asosiy muammosiga aylandi. Bugungi globallashuv davrida, inson ongi va qalbi uchun kurash ketayotgan bir paytda uning salbiy ta’siri har bir inson ongi va qalbiga ta’sir ko‘rsatishini aniq tasavvur etishimiz kerak. Inson esa avvalo o‘quvchilik davridan boshlab shakllanadi. SHuning uchun biz ma’naviy-axloqiy tarbiya borasida hatto bitta o‘quvchini boy bersak ham, bu butun “mafkuraviy-ma’naviy-ma’rifiy” ishlarimiz tizimiga putur etkazadi. Bu sohada kamchiliklarga yo‘l qo‘ymaslik uchun ta’lim –tarbiya tizimida ma’naviy-ahloqiy tarbiya jarayoni aniq chora-tadbirlar ko‘lamida, barcha bosqichlarda va hududlarda muntazam va uzluksiz olib borilishi bugungi oldimizda turgan asosiy vazifalardan biri deyishimiz mumkin. Bunda Prezidentimizning 2019-yil 19-martda bo‘lib o‘tgan videoselektordagi yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha ilgari surilgan besh muxim tashabbuslari bugungi kunda Zomin tumani Xalq ta’limi bo‘limiga qarashli 5-umumta’lim maktabida asosiy dastur sifatida qo‘llanilmoqda. Bugungi kunda 5-umumta’lim maktabida o‘ndan ortiq sport to‘garaklari , o‘n beshga yaqin fan to‘garaklari va Pshag‘or madaniyat markazining to‘rtta turli san’at yo‘nalishidagi to‘garaklari yoshlarni bilimli va ma’nan etuk shaxs qilib tarbiyalashni o‘z oldiga maqsad qilib faoliyatlarini olib borishmoqda.

O‘ylaymanki ta’lim – tarbiya sohasida faolit olib borayotgan barcha jonkuyarlar birlashsak , yurtboshimizga qanot bo‘lsak o‘sib kelayotgan yoshlarimiz Vatanimiz mavqeyini , obrosini bundanda yuksaklarga ko‘taradi.

Zomin tumani Xalq ta’limi bo‘limiga

qarashli 5-umumta’lim maktabi

Milliy istiqlol g’oyasi va ma’naviyat asoslari

fani o‘qituvchisi: Abdulaziz Turg‘unboyev