Yuk tashish korxonalarida tashish ishlari o'quv amaliyotidan o'quv-uslubiy qo'llanma

Harakat havfsizligi bo’limi – ixtiyorida avtomobil transporti, yoki, shahar elektr transporti, traktor va o’zi yurar mashinalar mavjud bo’lgan muassasa, tashkilot, idoralarda yo’l harakati havfsizligini oldini olish va transport vositalaridan foydalanish samarasini oshirish ishlarini tashkil qilish uchun tuziladi.
Harakat havfsizligi bo’limi asosiy vazifalariga quyidagilar kiradi:

• 
  ­­­yo’l transport hodisalari kelib chiqish sabab va sharoitlarini aniqlash va o’rganish, yo’l harakati qoidalarining buzilishini tahlil qilish;
  
• 
  transport vositalarini shikastsiz (avariyasiz) ishini ta’minlash bo’yicha tashkiliy-texnik tadbirlarni ishlab chiqish va amalga oshirish;
  
• 
  haydovchilarda yuk va yo’lovchilarni tashishda javobgarlik mas’uliyatini shakllantirishda tarbiyaviy ishlar;
  
• 
  haydovchilarning mahoratini oshirish;
  
• 
  tashkilot, muassasa idoralar va ularning bo’linmalarini yo’l harakati xavfsizligi bo’yicha uslubiy boshqarish va nazorat qilish;
  
• 
  Harakat xavfsizligi xizmati unga yuklatilgan masalalarni DAN xodimlari yo’l xodimlari va communal xizmat tashkilotlari bilan shuningdek, ish faoliyati yo’l harakati xavfsizligini ta’minlash bo’lgan jamoat tashkilotlari bilan o’zaro kelishilgan holda hal qiladi.
  

Harakat xavfsizligi xizmatining majburiyatlari

• 
  ATKning boshqa xizmatlari, bo’limlari va jamoat tashkilotlari bilan hamkorlikda YTH bo’yicha tadbirlar ishlab chiqish va nazorat qilish;
  
• 
  ATK bo’limlari va xizmatlari tomonidan YHQ ishini ta’minlash bo’yicha me’yoriy hujjatlarning bajarilishini muntazam nazorat qilish va tekshirish, hamda, aniqlangan xato va kamchiliklarni bartaraf etish takliflarini rahbariyatga taqdim etish;
  
• 
  ATK haydovchilari tomonidan YHQ buzilganligi va YTH hisobini olib borish, kelib-chiqish sabablarini tahlil qilish, YTH va ularni ogohlantirish uchun ko’rilgan choralar haqida belgilangan tartibda hisobot tayyorlash, tekshiruv va tahlil hujjatlari asosida YTH va YHQ buzilganligi haqida takliflar ishlab chiqish va ATK rahbariga taqdim etish;
  
• 
  ATKning harakatlanuvchi tarkibi ishtirok etgan YTH hujjatlarini DAN ma’lumotlari bilan muntazam solishtirib borish;YHX bo’yicha buyruqlar, ko’rsatmalar, boshqa boshqaruv hujjatlar loyihasini ishlab chiqish, yoki, ularni ishlab chiqishda qatnashish;
  
• 
  Jamoada YHX bo’yicha ommaviy –tashviqot ishlarini tashkil qilish(leksiyalar, konkurslar, kinofilmlar namoyishi);
  
• 
  YTH sodir bo’lish sababi va sharoitini aniqlashda, shuningdek, YHX bo’yicha o’rnatilgan me’yor va qoidalarning buzilganligini aniqlashda (ATK dagi kamchiliklarga bog’liq bo’lgan) ishtirok etish; ATK jamoasida YTH va YHQni va transport vositalaridan texnik foydalanish qoidalarini buzgan haydovchilarni muhokama qilishni tashkil qilish;
  
• 
  Haydovchilarning reys oldi va reysdan keyin tibbiy ko’rikdan o’tishini, haydovchilik guvohnomasida qayd etilgan toifa bo’yicha transport vositalarini boshqarishni, foydalanish xizmati tomonidan haydovchilarga transport vositalarini boshqarishda yo’l va ob-havo sharoitlari haqida yo’riqnomalar o’tkazishni nazorat qilish;
  
• 
  Harakatlanuvchi tarkibdan foydalanish va haydovchilarning yo’nalishdagi ishini nazorat qilishda ishtirok etish, atetstatsiya komissiyasining haydovchilar malakasini oshirish ishlarida qatnashish, ilg’or haydovchilarning ish tajribasini ommalashtirish, xodimlar bo’limi bilan hamkorlikda, olingan mukofotlarni ATK rahbariga taqdim etish va rasmiylashtirish;