Юк автомобиль (автопоез)-самосвалларда ташиш

ЮК АВТОМОБИЛЬ (АВТОПОЕЗ)-САМОСВАЛЛАРДА ТАШИШ
Режа:

1. 
   Универсал бортли ва самосвал автомобиллардан фойдаланиш
   
2. 
   Якка автомобиль ва автопоездлардан фойдаланиш
   
3. 
   Юк ташишнинг моки усули
   

Автомобил транспорти саройидаги автомобиллар айни иқтисодий ҳудуд талабларига тўлароқ мосланган бўлишлари зарур. Ҳажми кўп ва махсуслаштирилган юкларни ташиш учун мўлжалланилган автомобилларни танлашга алоҳида аҳамият берилиши лозим. Транспорт воситалари турларини танлаш дейилганда, автомобил транспорти саройларини юк ва йўловчилар ташиш характерига кўпроқ мосланган автомобил (автобус), ярим тиркама танловига айтилади. Транспорт воситаларини танлашда уларни юқори самара билан ишлашлари учун зарур техник эксплуатацион ва иқтисодий томонларига эътиборни қаратиш лозим. Айниқса юкларни ташишда улар миқдори ва сифатларини камайтирмасдан, ташиш таннархи иложи борича арзон бўлишига эътиборни кучайтириш лозим.

1. Юк автомобилларини танлашга қўйиладиган асосий талаблар
Автомобил транспорти воситасини танлашда ундан энг самарали фойдаланишни назарда тутиш ҳамда қуйидагиларни ҳисобга олиш лозим:
- танланаётган юк автомобилининг ташилувчи юк тури ва унинг упаковкаси (ўраб жойлаштирилганлиги) мослигини;
- юк оқими ёки юк партияси миқдори (ҳажми), характери, таркиби ва ташиш масофасини;
- ҳар хил, айниқса алоҳида шароитни талаб этувчи юкларни ташишда автомобилларни ишлатиш йўл ва иқлим шароитларини;
- ортиш ва тушириш операциялари бажариш усуларини. Механизациялаштирилган усулларни қўллашда автомобилларнинг юк кўтариш қобилиятини ортиш ва тушириш воситалари тури ва қувватига мослигини;
-юк обороти таркибини ҳисобга олган ҳолда айни ташишнинг келажакдаги ривожланишини;
-юкларни ташиб бериш муддатига кўра бажарилишини;
-амалда бор аниқ шароитларда транспорт воситасининг унумдорлигини;
-ҳар хил турдаги транспорт воситаларининг қўлланишдаги ташиш таннархини.