Ю. И. АҲмадалиев

Микротопоним 
– 
теварак-атрофда 
яшайдиган 
бир 
гуруҳ 
кишиларгагина маълум бўлган қудуқлар, жарликлар, қўрғонтепалар, 
томорқалар, боғлар, кўприклар, қўтонлар, булоқлар каби кичик 
объектларнинг атоқли отлари. 
Ойконим – (юнонча oykos – уй, турар жой, макон) топоним тури: 
аҳоли яшайдиган ҳар қандай жойнинг – шаҳарнинг, шаҳарча (посёлка)нинг, 
қишлоқ-овулнинг номи: Андижон, Наманган, Фарғона, Чимён, 
Чўнгбағиш. 
Ономастика (юнонча onomastikos – ном қўйиш) – тилшуносликнинг 
ҳар қандай атоқли отларни (топонимларни, антротопонимларни) 
ўрганадиган бўлими.  
Ороним (юнонча oros – тоғ) – тоғлар, тепаликлар, қирлар, сойликлар, 
даралар ва бошқа орографик объектларнинг номи: Олой, Фарғона водийси, 
Қизилқум чўли, Хўжанд ва бошқалар. 

---

130 
Патроним, патрономик ном (юнонча патер – ота, онима – ном, исм) – 
антропонимнинг бир тури. Патриархал – уруғчилик даври учун хос бўлган ва 
капитализм давригача сақланиб қолган ижтимоий ташкилот формаларидан. 
Иқтисодий, ижтимоий ва мафкуравий жиҳатдан бир бўлган ҳамда 
аждодининг исми (номи) билан аталган оилалар гуруҳи – Ўлжатўпи, 
Тоғайтўби, Шодмонтўби. Бундай патронимлар бора-бора этноним шаклини 
олиши мумкин. Бирон жойда яшаган оталар, аждодлар номлари (исмлари) 
билан аталган географик номлар патронимик топонимлар дейилади. Бундай 
топонимларни этнотопонимлардан фарқ қилиш осон эмас. Бойтўби 
(Бойтўпи), Бойўғли (Бойули) каби патронимлар этнотопонимлар шаклида 
учрайди. Ҳар қандай этноним – уруғ-аймоқ аслида патроним бўлган, кўпгина 
уруғлар афсонавий бўлса ҳам кишидан – отадан тарқалганмиз деб билади.  
Семинатика, топоним семантикаси – географик номнинг маъноси, 
мазмуни.