Yoshligimda biologiya, kimyo va matematika kabi fanlarga qiziqishim yuqori edi

Insho:
Yoshligimda biologiya , kimyo va matematika kabi fanlarga qiziqishim yuqori edi. .Keyinroq esa o’z hayotimni tahlil qilganimda va kelajakdagi orzularim haqida o’ylay boshlaganimda men o’z qiziqishlarimga oid bir sohani tanlashligim kerakligini tushundim..Bu qaror hayotimdagi eng muhim tanlovlardan biri ekanligini anglab yetdim va bu jarayon qiyin kechdi. Menda kasb tanlashdagi birinchi darajali kriteria - meni qiziqishlarimga toʻgʻri kelishi va xalqimiz, mamlakatimiz uchun foydali boʻlishi edi va men oʻz sohamni topdim- biotexnologiya
Keyinchalik bu sohaga oid turli xil maqolalarni The New Scientest , American scientist kabi nufuzli horijiy jurnallardan muntazam o’qishni boshladim va bu jarayonda Biotexnologiyaga sohasiga bo’lgan qiziqishim yanada ortdi. Menda savol paydo bo’ldi- shunday keng qamrovli , juda ko’p muommolarga yechim bo’ladigan soha nima uchun yurtimizda rivojlanmagan . Yurtimiz tabiati juda ham xilma xil bo’lishiga, dorivor o’simliklarning deyarli barcha turlari o’sishiga qaramasdan biz haligacha deyarli barcha dori darmon mahsulotlarini chet eldan eksport qilamiz yoki haligacha oddiy gen injeneriyasi orqali davolanishi mumkin bo’lgan irsiy kasalliklarni 20-asr texnologiyasi asosida davolaymiz. Biz biotexnologiyani rivojlantirish orqali nafaqat tibbiyot yoki tibbiyotga oid sohalar balki Qishloq xo’jaligi, oziq ovqat va hattoki ekologiya singari O’zbekiston uchun juda ham muhim bo’lgan sohalardagi muommolarni hal qilamiz va rivojlantira olamiz.
Men bu sohani chuqur o’rganish maqsadida Biotexnologiya sohasida yetakchi mamlakat hisoblangan Aqsh davlatining bir qancha nufuzli universitetlariga hujjat topshirdim va qabul qilindim. Men bu universitetlar qatoridan biotexnologiya sohasida yetakchi o’rinlarda turuvchi va innovatsiya boyicha yetakchi Arizona universitetini tanladim. Men Amerikada o’qish orqali Biotexnologiyani asosi hisoblangan Gen injeneriyasi va uning irsiy kasalliklarni davolashda ishlatilishi, Ekologiya va oziq ovqat xavsizligi singari bir qancha sohalarini mukammal o’rganish va bu sohalardagi muommolarga yechim topish imkonim bo’ladi.
,,El-yurt umidi’’ jamg’armasi stipendiyasi sovrindorligi nasib etsa Amerika Qo’shma Shtatlarida tahsil olib, bilimlarimni kengaytirib yurtimizda Biotexnologiya sohasi rivojlantirishga va mamlakatimizni bu sohada eng rivojlangan davlatlar qatoriga chiqishiga o’z hissamni qo’shsam hayotimdagi eng katta maqsadimga erishgan bo’laman.