Yosh tengdoshlar

 
“Xatarli botqoqlikdan o‘tish” mashqi (10 daqiqa) 
 
Maqsad:
Jamoaviylik hamda jamoaviy qaror qabul qilish ko‘nikmalarini shakllantirish. 
 
Kerakli jihozlar. 
Ishtirokchilar soniga qarab 15 yoki 20 ta A4 formatdagi oq qog‘oz 
varaqlari. 
 
Jarayon. 
Varaqlarni yerga 30 sm oraliq masofa qoldirib bir qatorga qo‘yib chiqing. 
Ishtirokchilarga o‘yin shartini tushuntiring: 
-
Yerdagi varaqlar harsang toshlardir, ulardan tashqari boshqa yer esa xatarli 
botqoqlikdan iborat. Siz yashab qolishingiz uchun ushbu botqoqlikning narigi tomoniga o‘tib 
olishingiz shart. Bunda siz bir-birlarini qo‘llaringizni ushlab faqat “toshlarni” (ya’ni 
qog‘ozlarni) bosib o‘tasiz. Eng muhimi, siz o‘tayotganingizda bir-biringizni qo‘yib 
yubormasligingiz kerak, bundan tashqari bir vaqtning o‘zida bitta ishtirokchining oyoqlari bitta 
varaqda turib qolmasligi (ya’ni doim bir ishtirokchining ikki oyog‘i ikkita “tosh” ustida bo‘lishi), 
varaqlarning birontasi ham bo‘sh qolib ketmasligi talab etiladi. Agar ushbu talablar buzilsa, 
jamoa yana ortga qaytib, shartni boshidan boshlaydi.
Jamoa yuqoridagi talablar doirasida “botqoqlikning” narigi tomoniga o‘tib olsa, shart 
bajarilgan hisoblanadi va o‘yin yakunlanadi. O‘yin davomida ishtirokchilardan iloji boricha 
ratsional va ijodkorona yondoshish so‘raladi.