Yosh tengdoshlar

 Uchinchi guruh taqdimoti va uning muhokamasi
Trenerning xulosa taqdimoti 
Trener uchun izoh: Ishtirokchilarning fikrlarini umumlashtirgan holda taqdimot o‘tkazing. Agar 
ishtirokchilar tayyorlagan taqdimotingizdagi ma’lumotlarni bersa, taqdimot qilish shart emas. 
Giyohvandlik. 
Giyohvandlik – kayf beruvchi giyohvand moddalarni yoki sun’iy ravishda tayyorlangan 
moddani iste’mol qilish, chekish, hidlash, tanaga surtish yoki nina sanchish (in’eksiya - ukol) yo‘li 
bilan qon tomirlarga yuborish bilan ifodalanadi.

---

44 
Giyohvand moddalarni ayanchli xususiyati shundan iboratki, ularni bir marta tatib ko‘rgan 
shaxs qayta iste’mol qilishga moyil bo‘ladi, 2-3 marta iste’mol qilish esa uni giyohvand modda 
iste’mol etmay turolmaydigan holatga duchor etadi. 
Giyohvand moddalarga afyun, morfin, nasha, kokain, geroin, gashish va boshqa sun’iy 
tayyorlanadigan zaharli moddalar kiradi.
Bu moddalarning uzluksiz qabul qilish odamlarda ruhiy va jismoniy o‘zgarishlarga olib 
keladi. Ruhiy o‘zgarishlar: uyqusizlik, xotira pasayishi, bosh og‘rig‘i, asabiylashish va 
kayfiyatning buzilishi, jahlning tez chiqishi, charchash, fikrning tarqoqligi va boshqa asab 
tizimidagi o‘zgarishlar (o‘zi bilan o‘zi gaplashadi, alahsiraydi, o‘qishga layoqatsiz bo‘lib qoladi) 
kuzatiladi.
Somatik o‘zgarishlar: qayt qilish, hazm tizimining buzilishi, nafas qisilishi, yurak bezovtaligi 
va hokazolar. Xumor paytida mushaklar siqishi tufayli giyoxvand g‘ujanak bo‘lib qoladi. 
Suyaklari qaqshab og‘riydi. Bu davrda insonda ruhiy o‘zgarishlar kuzatiladi. Moddiy va ma’naviy 
qashshoqlikka yuz tutib, oxiri ruhiy xastalikka chalinadi. Shuningdek uning farzandlari ham 
sog‘lom bo‘lmaydi. Bunday chaqaloqlar aqli zaif, yuragi nosog‘lom, nogiron va chala tug‘iladi.
 
Giyohvandlikdan qaytish
juda og‘ir. Lekin ko‘p narsa o‘sha o‘g‘il bolaning irodasiga 
bog‘liq. Chunki qanchalik og‘ir bo‘lmasin bu moddalarni iste’mol qilishdan qaytganlar bor. 
O‘zbek xalqida or-nomus, oila sha’ni kuchli. Bundan tashqari, urf-odatlar, milliy qadriyatlar va 
mahalliychilik uni tashqi muhitini tashkil etadi.