Yosh tengdoshlar

 
Trener taqdimoti (5 daqiqa) 
 
Bizning badanimiz, ichki a’zolarning faoliyati asablar tizimi bilan boshqariladi. Ichki 
a’zolarning normal ishi esa bizning ruhiy holatimizni, kayfiyatimizni belgilaydi. Ruhiyatga ta’sir 
qiluvchi omillar bular asosan ijtimoiy munosabatlar, ya’ni kishilarning muomalasi, fe’l-atvori, 
xulqi, odobi, ma’naviyati va h.k. hisoblanadi. Demak, bizning sog‘lig‘imiz umuminsoniy 
munosabatlarga, milliy qadriyatlarga juda bog‘liq ekan.
Ar-Roziyning fikricha, ruh xastalansa jism kasallikka chalinadi.
Salbiy ruhiy holatlar ko‘pgina xastaliklarni, jumladan, qon bosimi, nevroz, oshqozon yarasi, 
o‘sma, shishlar, qandli diabet singarilarni keltirib chiqaradi. Shuning uchun huda-behudaga 
jizzakilik qilmaslik, chuqur o‘ylab, ijobiy fikrlash, yomon va gunoh ishlardan o‘zini tiyish, nafsga, 
shaytonga erk bermaslik kabi ota-bobolarimiz aytib ketgan o‘gitlarni yaxshi uqib olib, bularni 
barchasini hayotda qo‘llash, xushfe’l, xushmuomala bo‘lish, bular barchasi sog‘liqni saqlash va 
mustahkamlashga xizmat qiladi. Demak, jismimiz va ruhimizni tashqi hamda ichki ta’sirotlardan 
omon saqlash o‘zimizga bog‘liq. 
Olimlarning fikricha, inson ortiqcha his hayajonga berilmasligi, aksincha, aql bilan ish tutib 
o‘z oldiga katta maqsadlar qo‘yib yashashi va shunga yarasha mehnat qilshi lozim.
“Bu esa kishi salomatligi uchun xavf tug‘duruvchi ruhiy iztirobdan qutilishning birdan bir 
yo‘lidir”.