Yosh tengdoshlar

Guruhlarda ishlash (10 daqiqa) 
Shakllangan mini-guruhlarga ularning mavzulariga ko‘ra yigitlarda uchrashi mumkin 
bo‘lgan kasalliklar to‘g‘risidagi matnlarni tarqating. Guruhlarga tayyorgarlik uchun 10 daqiqa vaqt 
bering. Guruhlar taqdimotni ko‘rgazmali materiallar asosida, turli interaktiv usullar yordamida 
amalga oshirishi mumkinligini ta’kidlang. Vaqt o‘tgach, qur’a tashlash yo‘li bilan birinchi 
taqdimot qildigan guruhni aniqlang.
1-guruh taqdimoti (5 daqiqa) 
 
Trener uchun ma’lumot: 
Buyraklar tanadagi eng muhim a’zolardan bo‘lib, bir qancha vazifalarni bajaradilar.
Buyrakning asosiy vazifasi bu siydik ishlab chiqarishdir. Bundan tashqari qon va vitamin D ni 
ishlab chiqishda ham ishtirok etadi. 
 
Buyraklar juft a’zo bo‘lib, bel sohasida joylashgan. Buyraklar qonni filtrlab, siydik hosil qiladi. 
Buyrak yallig‘lanishi juda ko‘p uchraydigan kasalliklardir. 
Buyrakka turli xil kasallik qo‘zg‘atuvchi mikroblar 2 xil yo‘l bilan o‘tadi.
Birinchisi: tanadagi turli xil infeksiya o‘choqlaridan, mikroblar qon orqali buyrakka tushishi va 
uni yallig‘lantirishi mumkin. Bular: 
◼
teridagi yiringli yaralar; 
◼
tomoqdagi surunkali yallig‘lanishlar (angina va boshqalar); 
◼
tishlar kariesi (tish chirishi) va milklarning surunkali yallig‘lanishlari va boshqalar. 
Ikkinchisi: 
Mikroblarning pastdan yuqoriga qarab o‘tishidir. Ya’ni, to‘g‘ri ichak, chot oralig‘i, siydik 
yo‘llaridagi yallig‘lanishlardan o‘tadi. O‘g‘il bolalar shaxsiy gigiyenaga rioya qilmasligi 
oqibatida kasalliklar uchraydi.