Yosh tengdoshlar

 
Maqsadga erishishda vaqtdan unumli foydalanish (15 daqiqa) 
O‘zini anglash mashqi 
Ishtirokchilarga quyidagi savollarni bering va ularning har biriga 30 sekund davomida javob 
berishni so‘rang.
Diqqat! Yozilgan javoblar ishtirokchining o‘zida qolishi va o‘qib eshittirilishi talab etilmasligi 
haqida ishtirokchilarga ayting. 
1)
 
Hayotda erishmoqchi bo‘lgan 3 ta eng asosiy maqsadingizni yozing? 
2)
 
Agar umringiz tugashiga 6 oy qolganligini bilsangiz, nimalarni amalga oshirgan bo‘lar 
edingiz? 
3)
 
Hayotda sizni qiynaydigan 3 ta muammoni yozing. 
 
Hozir siz bilan birga “Tezkor yozuv” texnikasidan foydalandik. Uning o‘ziga xosligi 
shundaki, inson shoshilganida ong faoliyati jadallashadi hamda eng kerakli ma’lumotlarni tabiiy 
tarzda yuzaga chiqaradi. Bunda insonning haqiqiy qadrli va muhim hayotiy maqsadlari hamda 
qadriyatlari oydinlashadi. 
Bunda javoblarni quyidagicha talqin qilishimiz mumkin: 
 
1-savolning javobida keltirilgan maqsadlar insonning asl maqsadlaridir. Inson o‘sha 
maqsadlariga ko‘ra boshqa maqsadlarini qo‘yishi ma’qul. Sababi, bular insonning chin dildan 
istagan maqsadlaridir. Asl maqsadlar sari intilgan odam charchamaydi, kichik yutuqlar ham 
unga zavq bag‘ishlaydi, mamnun va baxtli qiladi. Muhimi, o‘zini o‘zi aldashiga yo‘l qo‘ymaydi. 
 
2-savolning javobida insonning asl qadriyatlari namoyon bo‘ladi. Inson har qanday 
holatda ham ushbu qadriyatlarini yodda tutishi kerak. Sababi, asl qadriyatlar insonning 
to‘laqonli hayotini ta’minlaydi, hissiy jihatdan barqaror qiladi, quvvat manbai bo‘ladi. Muhimi, 
o‘zini o‘zi aldashiga yo‘l qo‘ymaydi. 
 
3-savolga javob. Inson muammosiz yashamaydi, doim va hammada muammo bo‘lgan. 
Inson o‘z ishonchi, intilishlari, iroda kuchi bilan muammolarni bartaraf qiladi. Bundanda avval 
inson shuni bilib olishi kerakki, “muammo aslida muammo emas, muammoga bo‘lgan 
munosabatning o‘zi muammodir”. Har qanday amalga oshirmoqchi bo‘lgan tadbiringizda eng 
muhim omil bu – pozitsiya yoki munosabatdir. Munosabatning noto‘g‘riligidan noto‘g‘ri 
xulosalar va inson istamagan natijalar yuzaga keladi. Munosabat misli fonar (chiroq): u qizil 
bo‘lsa, u qaratilgan narsa ham qizil bo‘lib ko‘rinadi… Shunday ekan, o‘z munosabati bilan inson 
butun dunyoni zulmatga yoki nurga to‘ldirishi mumkin.