Yosh kimyogarlar

Kimyoviy viktorinalar tashkil etish uslubiyoti.

Kimyoviy viktorinalar kimyo haftaligi (dekadasi, oyligi) ning muhim bo`g`inlaridan biri hisoblanadi. Viktorinalar odatdagi yoki sirtqi shakllarda bir sinf doirasida yoki sinflararo o`tkazilishi mumkin. Odatdagi viktorinada mavzu oldindan (bir hafta yoki o`n kun) e`lon qilinadi. Viktorina kuni belgilanadi. Mavzuga oid savollar viktorina paytida o`quvchilar e`tiboriga havola qilinadi. Viktorina ishtirokchilari guruh bo`lib yoki yakka tartibda savollarga javob berishadi. Savollarga berilgan javoblarning to`g`ri yoki noto`g`riligi hakamlar tomonidan qayd etib boriladi. Viktorina so`ngida har qaysi guruh to`plagan ballar yig`indisi e`lon qilinib, g`oliblar taqdirlanadi.

Sirtqi viktorinada savollar oldindan (maktab foyesida va kimyo kabineti eshigida osib qo`yiladi) e`lon qilinadi.