Yosh huquqshunoslar

Mustahkamlash va takrorlash uchun savol va topshiriqlar

3. 
   Har qanday bolaning o‘z oilasida qanday huquqlari mavjud?
   
4. 
   Agar voyaga yetmagan bolaning ota-onasi bo’lmasa, uning huquqlari bajarilishi kim tomonidan ta’minlanadi?
   
5. 
   Oilada voyaga yetmagan bolaning manfaatlariga taalluqli masala hal qilinadigan holda bolaning qanday huquqlari borligini ayting.
   
6. 
   Bolaga ism qanday va kim tomonidan beriladi?
   
7. 
   Necha yoshdan voyaga yetmagan bolaning ismi va familiyasi o‘zgartirilishi uchun uning roziligi so‘raladi?
   
8. 
   Ota-ona voyaga yetmagan bolasining yoki bola ota-onasining mulkiga egalik qilishga haqlimi?
   
9. 
   Agar voyaga yetmagan bola va uning ota-onasi alohida mulklarga egalik qilishsa, ular bir-birlarining mulklaridan foydalana oladilarmi?
   
10. 
    Qanday buyumlar voyaga yetmaganlarning xususiy mulki hisoblanadi?
    

Uyga vazifa: Mavzuni o'qish va o'rganish


MMIBDO’____________________
28-Mavzu: Inson huquq va erkinliklari kafolatlari


Reja:
Darsning maqsadi:
1.Ta`limiy maqsad: O`quvchilar mavzu bilan tanishtirish va tushuntirish.
2.Tarbiyaviy maqsad:O`quvchilarni qonunlarga hurmat qilish ruhida tarbiyalashda ahloqiy fazilatlarni shakllantirish.
3.Rivojlantiruvchi maqsad: O`quvchilarni mustaqil fikrlashga o`rgatish
.
Mavzu ustida ishlash natijasida:
inson huquq va erkinliklarining konstitutsiyaviy kafolatlari haqida;
inson huquqlarini himoya qilish mexanizmi haqida;
o‘z huquqlaringizni himoya qilish uchun qaysi idoralarga murojaat etish zarurligi haqida bilib olasiz.
O‘z huqularini himoya qilish uchun qayerga murojaat etish kerak?
Inson huquq va erkinliklari kafolatlari
Inson huquqlari himoyasi bo‘yicha yangi institutlar
O‘Z HUQUQLARINI HIMOYA QILISH UCHUN QAYERGA MUROJAAT ETISH KERAK?
Qachondir o‘z huqularingizni yoki boshqa odamlarning huquqlarini himoya qilishingizga to‘g‘ri kelganmi? Qaysi hollarda ana shunday zarurat paydo bo‘lishi mumkin?
Boshqa odamlarning huquqlariga putur yetkazilganda chetda qolishingiz mumkinmi?
Afsuski, inson ko‘p hollarda tahqirlash va xo‘rlashlarga duchor etiladi. Inson huquqlariga putur yetkazilgan barcha hollarda u ana shu huquqlarning himoya qilinishiga ehtiyoj sezadi.
Hozirgi kunda davlat o‘z qonunlari va sudlari bilan ana shunday himoyachi rolini bajaradi.
Qonun belgilaydi
Har bir shaxsga o‘z huquq va erkinliklarini sud orqali himoya qilish, davlat organlari, mansabdor shaxslar, jamoat birlashmalarining g‘ayri qonuniy xatti-harakatlari ustidan sudga shikoyat qilish huquqi kafolatlanadi.
O‘zbekiston Respublikasi Konstitutsiyasi, 44-modda.
Mazkur huquq malakali yuridik yordamga muhtoj bo‘lgan har bir odam advokatga murojaat qilib, ana shunday yordamdan foydalanishi mumkinligini nazarda tutadi. Biron-bir vaziyatda, hatto agar u jinoiy qilmish bilan ayblangan taqdirda ham, insonga bu yordamni berishni rad etishga hech kim haqli emas.
Davlatimizda voyaga yetmaganlar, mehnatga layoqatsizlar va keksa odamlar alohida himoya panohidadirlar.
Qonun belgilaydi
Voyaga yetmaganlar, mahnatga layoqatsiz va yolg‘iz keksalarning huquqlari davlat himoyasidadir.
O‘zbekiston Respublikasi Konstitutsiyasi, 45-modda.
INSON HUQUQ VA ERKINLIKLARIKAFOLATLARI
Demokratik davlatda inson huquqlarini himoya qilish ishonchli mexanizmi zarurdirki, u bu huquqlarning ro‘yobga chiqarilishi ustidan nazorat (monitoring) mavjud bo‘lishini taqozo etadi.
Aytib o‘tilgan mexanizm mamlakatimizda ham mavjud. U faqat davlat organlari bilan, balki kasaba uyushmalari, advokaturalar va huquqni himoya qiluvchi institutlar bilan ifoda etilgan.