Yosh huquqshunoslar

Quyidagi maslahatlar savodli iste'molchi bo'lishda yordam beradi:
Qimmatbaho tovarni xarid qilishdan oldin:

• 
  sotib olmoqchi bo'lgan mahsulotning narxi va turli markalarini qiyoslang;
  
• 
  do'stlaringiz bilan maslahatlashing;
  
• 
  tovar xususida sotuvchiga savollar berishdan tortinmang;
  
• 
  kafolat talonini diqqat bilan o'qib chiqing. Bunday kafolat, mohiyatan olganda, tovar buzilmay xizmat qilishi va uni tayyorlovchi yoki do'kon ta'mirlashi yoxud almashtirib berishi to'g'risidagi va'dadir;
  
• 
  tovarni diqqat bilan qarab chiqing. Unda hech qanday nuqsonlar yo'qligiga ishonch hosil qiling. Agar elektr asbob xarid qilsangiz, do'kondan chiqib ketishga qadar, uni elektr tarmog'iga ulab tekshirib ко'ring;
  
• 
  tovar sertifikatlangani, unda belgi bor-yo'qligini tekshiring;
  
• 
  har doim chek berilishini talab qiling va uni darhol tashlab yubormang.
  
• 
  Turli do'konlarda sotish qoidalari va amaliyoti turlichadir. Odatda qoidalar ko'zga ko'rinarli joyga ilib qo'yiladi va buyumlarni almashtirish va ular qiymatini to'lash shartlari to'g'risidagi axborot bilan ta'minlanadi. Shaxsiy gigiyena buyumlari, ichkiyimlar, paypoq va boshqa buyumlar singari almashtirilmaydigan tovarlar mavjud. Bu qoidalar ham "Iste'molchilarning huquqlarini himoya qilish to'g'risida"gi qonunda ta'kidlangan.
  

3-topshiriq.
E'tiborli xaridor
Shunday vaziyatni ko'z oldingizga keltiring. Radiotovarlar sotiladigan kichik do'kon peshtaxtasi oldida ikkita qizcha turibdi, ular vitrinani ko'zdan kechirib, o'zaro qizg'in so'zlashishyapti. Ularning suhbatidan ma'lum bo'lishicha, qizlardan biri - Ra'no - otasining tug'ilgan kuniga sovg'a qilish uchun qo'lda ko'tarib yuriladigan radiopriyomnik sotib olmoqchi. Ular so'ngra o'zlariga yoqqan modelni sotuvchiga ko'rsatishadi. Sotuvchi jimgina qutichaga o'ralgan radiopriyomnikni olib beradi. Ra'no pulni beradi va dugonasi bilan valaqlashda davom etib, xarid qilingan buyumni oladi. Xushnud dugonalar do'kondan chiqishadi.
Savollarga javob bering:
1.Qizchalarni e'tiborli xaridorlar deb atash mumkinmi? Mumkin yoki mumkin emasligini ayting. Dalillar keltiring.
2.Sizningcha, sotuvchi ozining qanday burchlarini e'tibordan soqit qildi?
3.Sizningcha, agar tovar nuqsonli bo lib chiqsa, uni almashtirish uchun Ra'no qaytib keladimi?
1.Savodli iste`molchi bo`lish uchun nimalarni bilish zarur?
2.Savodli iste`molchilar nohalol sotuvchilarga qanday ta`sir ko`rsata oladilar?