Yosh fiziologiyasi va gigiyenasi

A.N.Aripov, O.D.Mirboboeva
YOSH FIZIOLOGIYASI VA GIGIYENASI


uslubiy qo`llanma

Namangan – 2014

Ma'ruzalar matni O'zbekiston Respublikasi Oliy va O'rta maxsus ta'lim Vazirligi tomonidan tasdiqlangan yangi «Namunaviy dastur» asosida ishchi o`q`uv dasturiga mos ravishda yozildi.
Ma'ruzalar matnidan Universitetning barcha pedagogik yo`nalishidagi talabalari foydalanishlari uchun mo'ljallangan.
Tuzuvchilar: A.N.Aripov. b.f.n. dots.
O.D.Mirboboeva katta o`qituvchi
Fizologiya va Hayot faoliyati havfsizligi kafedrasi


Taqrizchi: S.A.Mavlanova b.f.n. Fizologiya va Hayot
faoliyati havfsizligi kafedrasi mudiri, NamDU

SH.S.Mirzamaxmudov, dotsent, Jismoniy

tarbiya va sport kafedrasi mudiri, NamDU

Namangan davlat universiteti Ilmiy- uslubiy kengashi tomonidan nashrga tavsiya etilgan. 2-iyun 2014 yil № 9

SO’Z BOSHI

Namangan davlat universiteti «Fiziologiya va hayot faoliyati xavfsizligi» kafedrasi qoshida o’qitiladigan «Yosh fiziologiyasi va gigiena» fanining asosiy maqsad va vazifalari – bo’lgusi pedagog kadrlarni yosh organizmning o’sishi va rivojlanishi qonuniyatlarini o’rganish va shu bilan birga organ va to’qimalarining yoshga xos o’zgarishlarini o’rganishdan iboratdir. Bu bilan bo’lajak pedogog organizmning yosh xususiyatlarini bilish bilan ularga beriladigan yuklamalarni me’yor darajasini,ularning jismoniy rivojlanish qoidalari va gigienasini xam o’rganadilar.

1-MAVZU: BOLALAR O`SIShI VA RIVOJLANISHINING UMUMIY
QONUNIYATLARI
Rеja:
1 Kirish

2. 
   O`sish va rivojlanish organizmning miqdoriy va sifatiy ko`rsatkichidir.
   
3. 
   O`sish va rivojlanishning umumiy qonuniyatlari.
   
4. 
   Aksеlеratsiya -o`sish va rivojlanishning tеzlashuvi.
   

5. Individual tarakkioti davrlari xagida.
Yosh fiziologiyasi va gigiyenasi fani biologiyaning mustaqil bir tarmog`i hisoblanib, ikkita alohida fanning birikmasidir. Bu fanlar o`zaro bir-birini to`ldiradi va yosh avlodni tarbiyalashda katta ahamiyatga ega. Shuning uchun ham Yosh fiziologiyasi va gigiyenasi fani 1970 yildan boshlab pеdagogika oliy o`quv yurtlarining o`quv rеjasiga kiritildi.
Yosh fiziologiyasi fiziologiya fanining bir qismi hisoblangan odam fiziologiyasida yangi ma'lumotlarning to`planishi natijasida mustaqil fan bo`lib ajralib chiqdi.