Yordamchi va

TENG BOG'LOVCHILAR
O‘zaro teng munosabatdagi gap bo'laklari va gaplarni o'zaro bog'lab keluvchi bog'lovchilar teng bog'lovchilar hisoblanadi.

1. 
   Uyushiq bo'laklarni: Nozimaxon goh mashinkasini, goh tikuv mashinasini yurgizib allamahalgacha ishlab o'tiribdi. O'ktam tolga suyanib, dam cholga, dam tegirmonga qarab indamay turaverdi.
   

B. Sodda gaplarni: Omon so'zlar va Zaynab qalbi tol bargiday dir-dir qaltirar. (H.Olimjon)


Teng bog'lovchilar gap bo'laklari va gaplarni bog'lash bilan birga, ular o'rtasidagi mazmuniy munosabatni ham ro'yobga chiqaradi. Shunga ko'ra teng bog'lovchilar quyidagi guruhlarga bo'linadi:
1. Biriktiruv bog'lovchilari:va, hamda, bilan, ham;
2. Zidlov bog'lovchilari:ammo, lekin, biroq;
3. Ayiruv bog'lovchilari:yoki, yo ...,yo, goh ... goh, yo, dam... dam, bir... bir, ba'zan... ba’zan, xoh ... xoh.
4. Inkor bog'lovchisi:na... na.
BIRIKTIRUV BOG’LOVCHILARI
Teng munosabatdagi gap bo'laklarini va uyushiq gaplarni o'zaro biriktirib keluvchi bog’lovchilar biriktiruv bog’lovchilari hisoblanadi.
Akademik litsey ta'rifi:
Uyushiq bo'laklar va bog'langan qo'shma gap qismlarini bog'lab, biriktiruv munosabatini bildiradi.
Biriktiruv bog'lovchilariga quyidagilar kiradi:

1. 
   Sof bog’lovchilar: va, hamda:Boshlanadi ijod va turmush. Nodir, Rustam hamda Nozim keldi.
   
2. 
   Ko'makchi-bog'lovchisi:bilan:Yer bilan suv egizak, bir-birisiz yashay olmaydi. (Gazetadan)
   
3. 
   Yuklama-bog’lovchilari: -u (-yu),-da, ham:Ona-yu bola – gul-u lola.
   

Bulardan ham bog’lovchi vazifasida yakka va takror holda qo’llaniladi.Masalan: Jo'shadi buloqning kumush yoshlari ham mungli, ham shirin jildirashlari, Buralib, kо'katlar ichidan chopur, Uzilgan marvarid yarqirashlari.