Yo’nalishga kirish

Ekologik ekspertiza
– atrof tabiiy muhitni muxofaza qilish, tabiiy resurslardan 
samarali foydalanish yoki jamiyatning ekologik xavfsizligini ta’minlash talablariga 
xo’jalik yuritish faoliyati va uning ishlab chiqarish natijalari javob bera olishini 
maxsus vakolatlangan davlat organlari tomonidan olib boriladigan alohida nazorat 
turidir.
Genofond –
turlar qandaydir guruhi genlari yig’indisidan iborat nasliy axborot. 
Ba’zan, genofond deganda, tirik organizmlar turlarining butun jami tushuniladi. 
Geosferalar –
yerni tashkil qilgan, fizik xossalari va kimyoviy tarkibiga ko’ra farq 
qiladigan konsentrik qobiqlar. Magnitosfera, atmosfera, gidrosfera, litosfera, 
mantiya va yer yadrosi farqlanadi. 
Geotizim –
yer po’sti elementlarining o’zaro munosabat va bog’lanishda bo’lgan 
hamda muayyan butunlikni, yaxlitlikni hosil qiluvchi jami. 
Geoekologiya –
landshaft ekologiyasining sinonimi (geografik ekologiya); inson 
faoliyatini hisobga olgan holda, litosfera va biosferaning o’zaro aloqadorlik 
qonunlarini, 
shu 
jumladan, 
ekotizimlarning 
harakatlanishida 
geologik 
jarayonlarning rolini (geologik ekologiya), o’rganuvchi fan. 

---

Gigiyenik normativ –
yashash muhitining u yoki bu omilini uning inson uchun 
xavfsizligi va zararli emasligi nuqtai nazaridan tavfsiflovchi ko’rsatkichning 
tadqiqotlar bilan belgilangan yo’l qo’yiladigan maksimal yoki minimal miqdor va 
sifat qiymati. 
Gidrosfera –
yerning suv qobig’i. Yer yuzining 70 % dan ortig’ini egallaydi. 
Gidrosfera atmosfera bilan yerning qattiq qobig’i bo’lgan litosfera o’rtasida 
joylashgan bo’lib, okeanlar, dengizlar, quruqlikdagi yuza suvlar jamini o’zida 
ifodalaydi. bundan tashqari, gidrosfera tarkibiga yer osti suvlari, Arktika va 
Antarktika qor va muzlari, shuningdek, atmosferadagi suv va tirik organizmlardagi 
suv ham kiradi. 
Gumus –
tuproqning yuqori molekulyar qoramtir organik moddalari. O’simliklar, 
tuproq, hayvon va mikroorganizmlarning qoldiq (parchalanish) mahsuloti. Gumus 
tarkibiga o’simliklar oziqlanishi uchun zarur bo’lgan muhim elementlar: azot, 
fosfor, kaliy va boshqalar kiradi.