Yo‘l transformatorlari. Signal, rele va mahsus transformatorlar

cho‘lg‘amlarini ulanish sxemasi

Katta va o‘rta stansiyalar elektr markazlashtirish qurilmalarida izolyatsiya-lovchi transformatorlar sifatida TС turidagi – ichki o‘rnatiladigan uch fazali, quruq, tabiiy sovutishli transformator ishlatiladi.

Transformator birlamchi va ikkilamchi cho‘lg‘amlarga ega (6.13-rasm, a). Birlamchi cho‘lg‘am (6.13-rasm, b), 220, 380, 400 yoki 500 V kuchlanishli tar- moqqa ulanishi mumkin. 380 V li kuchlanish berilganda birlamchi cho‘lgam yulduz sxemasi (X,Y,Z chiqishlar o‘zaro birlashtiriladi), 220 V li kuchlanishda esa – uchburchak sxemasi (A-X,В-Y,С-Z chiqishlar birlashtiriladi) bo‘yicha ulanadi. Ikkilamchi cho‘lgam faqat yulduz sxemasi bo‘yicha ulanadi, buning uchun a3, в3, с3 fazaviy chiqishlar orasiga ulagichlar qo‘yiladi. TС turdagi transformatorlar uncha katta bo‘lmagan stansiyalar uchun 1,5…10 kVA quvvatlarga ishlab chiqariladi, bunda birlamchi cho‘lg‘amlarning kuchlanishi 220, 380, 500 va 660 V li, ikkilamchi cho‘lg‘amlarining kuchlanishi esa 12,5 V dan 400 V gachadir.