Yo’l toshamasi va qoplamasini regenaratsiya qilish texnologiyasi

Tayorgarlik ishlari.Yo’l poyini qurish.
Tayyorgarlik ishlari qurilishni tashkil etish loyihasi (QTEL) va ishlab chiqarishni tashkil
etish loyihalari (ICHTEL) asosida yo'l poyi qurilgunga qadar amalga oshirilishi lozim. Bu ishlar:
trassani tiklash va bog'lash, ajratilgan mintaqani tozalashdan, yo'l poyi elementlarini joyida belgi lashdan, suv chetlatish va quritish, yo'l ko'tarma asosini tayyorlash, vaqtinchalik yo'llar va insho otlar qurish, aloqa va elektr tarmog'i tortish, energiya, suv, bug' va gaz ta'minotini tashkil etish ishlari kiradi.
Geodezik rejalash asosining hajmi va tarkibi, hamda qurilish jarayonida geodezik ishlarni
bajarishdagi haqiqiy o'zgarishlar QMQ 3.01.03 talablariga javob berishi kerak. Trassani tiklash
va joyiga bog'lashda yo'lning har ikki tomoniga ustunchalar o'rnatish bilan yo'l mintaqasi ajratib
olinadi. Qurilishni joyiga geodezik bog'lash asoslarini, odatda, buyurtmachi amalga oshirib, quri lish-montaj ishlari boshlanmasdan oldin 10 kun muddat ichida unga tegishli texnik hujjatlarni, hamda qurilish maydonidagi bog'langan punktlar va belgilarni pudratchiga topshirishi kerak.
Qurilayotgan yo'l to'shamasi takomillashgan yengil, o'tuvchi va quyi turdagi qoplamadan iborat bo'lganda, balandligi 1,5 m dan kam bo'lmagan yo'l ko'tarmalari ostida balandligi 10 cm gacha bo'lgan to'nkalarni qoldirishga yo'l qo'yiladi.
Yo'l poyi asosini tayyorlash
Yo'l poyini rejalashda yo'l o'qi yo'nalishi tiklanib, barcha piketlar va qo'shimcha nuqtalarda,
burilish burchagi uchlarida, asosiy va oraliqdagi egri nuqtalarida va yerning past-baland joylarida har 500 m da, baland (3 m dan ortiq) ko'tarmalarda va chuqur (3 m dan ziyod) o'ymalarda, sun'iy inshootlar yaqinida, shuningdek yo'l va transport xizmati bino va inshootlari majmui joylashgan qismlarda qo'shimcha reperlar o'rnatiladi. Rejalash belgilari qurilish ishlari bajariladigan mintaqadan tashqarida ham takrorlanadi.
Ko'tarmalarning va o'ymalarning konturlari, boshqa inshootlarning balandlik belgilarini, yonbag'irlar yuzasining nishabi va hokazolarni ishchi rejalashni o'rnatilgan piketlar, belgilar va
reperlardan yo'lning to'g'ri yo'nalishida har 50 m. da, egrilarda har 10-20 m masofada tegishli
texnologik operatsiyalar oldidan bajariladi.
Yerning hosildor qatlami loyihada ko'rsatilgan qalinlikda yo'l poyi joylashadigan, zahira yerlar va boshqa qurilish maydonlari yuzasidan to'la yig'ishtirib olinadi, hamda yo'l uchun ajratilgan mintaqa chegarasi bo'ylab uzunasiga yoki alohida ajratilgan yerlarga to'plab joylashtiriladi.
Qurilayotgan ko'tarma balandligi 1,5-2,0 m bo'lsa, yer yuzasi bilan barobar qirqilgan daraxtlar va butalarning ildizlari, ko'tarma 2 m dan yuqori bo'lgnda balandligi 10 cm gacha bo'lgan
to'nkalarning qoldirilishiga yo'l qo'yiladi.