Yilning eng yaxshi yosh o‘qituvchisi-2021

Tuman xalq ta’limi bo`limining

2021 yil 2 martdagi 252-sonli

buyrug`iga 1-ilova
“Yilning eng yaxshi yosh o‘qituvchisi-2021”

tuman tanlovini o‘tkazish tartibi to‘g‘risida

NIZOM
1-bob. Umumiy qoidalar
1. Mazkur Nizom 2021-yil “Yoshlarni qo‘llab-quvvatlash va aholi salomatligini mustahkamlash” yili munosabati bilan tumanimizdagi umumta’lim muassasalarining (umumiy o‘rta ta’lim maktablari va Davlat ixtisoslashtirilgan maktab-internatlari) oliy ma’lumotli yosh o‘qituvchilari o‘rtasida barcha fanlar bo‘yicha “Yilning eng yaxshi yosh o‘qituvchisi-2021” tanlovini tashkil etish va o‘tkazish tartibini belgilaydi

2. Tanlov tumandagi umumiy o‘rta ta’lim maktablarida faoliyat yuritayotgan iqtidorli, izlanuvchan yosh o‘qituvchilarni aniqlash va rag‘batlantirish, pedagogik faoliyatining nufuzini yanada oshirish, ta’lim va tarbiya sohasidagi innovatsion texnalogiyalarni keng ommalashtirish, maktab o‘qituvchilari o‘rtasida sog‘lom raqobatni, ijodkorlik muhitini yaratish hamda dars berishning yangi metod va texnalogiyalarini tuman miqyosida targ‘ib qiladi.

3. Tanlovda bugungi kunda ta’lim jarayonida yangicha metodlarni, ta’lim jarayonida axborot texnalogiyalari va dars o‘tishning noananaviy uslublarini mavzudan kelib chiqib qo‘llay oladigan 30 yoshgacha bo‘lgan oliy ma’lumotli barcha fan o‘qituvchilari ishtirok etishlari mumkin.

4. Tanlov tumandagi barcha umumiy o‘rta ta’lim maktablarida mazkur Nizom asosida o‘tkaziladi.