Yillarda maktabgacha ta'lim tizimini yanada takomillashtirish chora-tadbirlari to‘g‘risida

Fransiya

Fransiya ta’lim tizimi qadimiy va boy tarixga ega. Ta’limning asosiy maqsadi shaxsning har tomonlama kamol topishini ta’minlash, uni mustaqil faoliyatga tayyorlash, bozor munosabatlari sharoitida o‘quvchilarni tadbirkorlikka, ishbilarmonlik va omilkorlikka o‘rgatish, shunga yarasha kasb-korga ega qilishdan iboratdir. Bu yerda:

1. 
   Davlat maktablari.
   
2. 
   Xususiy maktablar.
   
3. 
   Oraliq maktablar mavjud.
   

Fransiyada boshlang‘ich ta’lim maktablariga 6 yoshdan 11 yoshgacha bo‘lgan bolalar jalb etiladilar. Boshlang‘ich maktab bepul va majburiy.

Boshlang‘ich sinflarda o‘qish 3 bosqichda amalga oshiriladi:

1. 
   Tayyorlov bosqichi.
   
2. 
   Elementar kurs (bu bosqich 2 yil davom etadi).
   
3. 
   Chuqurlashtirilgan bosqich.
   

Talabalar pedagogika, politexnika instituti, oliy ma’muriy maktablarga kirish uchungina imtihon topshiradilar. Bundan tashqari, shu kasbga moyilligi ham alohida sinab ko‘riladi.

Germaniya

Germaniyada maktabgacha ta’lim tizimi muhim bosqich hisoblanadi. Majburiy ta’lim 6 yoshdan 18 yoshgacha bo‘lgan bolalarga tegishli, ya’ni bu jarayon 12 yil davom etadi. Germaniyada gimnaziya­lar ham mavjud. Ular 5–13-sinflarni o‘z ichiga oladi. 11–13-sinflar oliy o‘quv yurtlariga tayyorlash vazifasini ham bajaradi. Gimnaziyani bitirganlik haqidagi yetuklik attes­tati oliy o‘quv yurtida o‘qish imkonini beradi. Germaniya ta’lim tizimida hunar ta’limi muhim ahamiyatga ega, chunki yuqori malakali ishchilarga bo‘lgan talab kuchlidir. Hunar maktablarining diplomlari oliy o‘quv yurtlariga kirish uchun huquq bermaydi. Buning uchun 1 yillik tayyorlov kurslarini tugatish talab etiladi.