Yil 1-oktyabr – O‘qituvchi va murabbiylar kuni munosabati bilan Islom Karimov nomidagi Toshkent davlat texnika universitetining Qo‘qon filialida o‘tkaziladigan bayram tadbirining ssenariysi

2021- yil 1-oktyabr – O‘qituvchi va murabbiylar kuni munosabati bilan Islom Karimov nomidagi Toshkent davlat texnika universitetining Qo‘qon filialida o‘tkaziladigan bayram tadbirining

SSENARIYSI
30-sentabr

S.Rahimova ijrosida ustozlarga bag‘ishlangan qo‘shiq fonida sahnaga boshlovchilar chiqib kelishadi.

1-boshlovchi: – Domlada bisot yo‘q kitobdan boshqa,

Qalbida lahja cho‘g‘ – oftobdan boshqa.

Shogirdlar kamolin ko‘rsa bo‘lgani,

Qolgani kerakmas savobdan boshqa.

2-boshlovchi: – Muallim, hammadan boyim o‘zingsan,

Tunlarim yoritar oyim o‘zingsan.

Yuragim ilmga tashnalab tursa,

Sug‘orib turguvchi soyim o‘zingsan.

1-boshlovchi: – Assalomu alaykum, aziz ustozlar! Kechalari orom bilmay, kunduzlari hormay-tolmay ko‘z nurini, qalb qo‘rini, butun umrini berib biz – shogirdlarni hayotga tayyorlayotgan, ilm sirlarini o‘rgatishdan charchamayotgan qalbi daryo, mo‘tabar  murabbiylar!

2-boshlovchi: – Assalomu alaykum, sharafli va ayni paytda o‘ta mas’uliyatli kasb egalari bo‘lgan, inson ruhining me’morlari sanalgan o‘qituvchilar!

1-boshlovchi: – Kelajak orzusida ilm tog‘lariga tirmashib, uning yuksak cho‘qqilarini zabt etishga intilayotgan shijoatli, fidoyi tengdoshlar – talaba yoshlar!

2-boshlovchi: – Ustoz! Shu birgina  so‘z zamirida  olam-olam ma’no va hurmat mujassam.   O‘qituvchi – sofdil, kamtarin, ma’naviy boy,insondir.   Ularning poyiga guldastalar sochsak, doimo hurmatlarini ado etib,  ardoqlasak arziydi.

1-boshlovchi: – Aziz ustozlar, murabbiylar, bugungi bayram tadbirimizni tantanali ravishda ochib berish uchun so’z navbatini TDTU Qo’qon filiali direktori Sharifjon Yigitaliyevichga beramiz. Marhamat!!!

……………………..

2-boshlovchi: – Adabiyotimizning ustunlaridan biri hazrat Alisher Navoiy ustoz – murabbiylar haqida shunday degan edi:

Haq yo‘lida kim senga bir haprf o‘qitmish ranj ila,

Aylamak bo‘lmas ado oning haqin yuz ganj ila.

1-boshlovchi: – Men o‘xshatgim keladi ustozlarni  quyoshga,

Bolalarni mehr-la ular ko‘tarib boshga.

Oldinga boshlar bizni umidu maqsad sari,

Bilim, ilm sirlarin o‘rgatadi har yoshga.

Faol va fidoyi murabbiylarga bayram sovg‘alari beriladi. Agar sovg‘a berilsa.

2-boshlovchi: – Hayotning go‘zalligi, farovonligi, odobligi, qolaversa, istiqlolimizning ravnaqi muallim mehnati bilandir. Istiqlol egalari bo‘lmish yosh avlodni bilimli, savodxon, ma’naviy barkamol va jismonan sog‘lom qilib voyaga yetkazishda o‘qituvchi-murabbiylarning qissasi benihoya kattadir.

Navbat kelajagimiz mevalaridan bo’lgan Abduqahhorova Mahliyoxonga

1-boshlovchi: – Jahonda bo‘lmasa muallim agar,

Hayot ham bo‘lmasdi go‘zal bu qadar.

2-boshlovchi: – Ustozlarni bayram bilan tabriklash va xursand etish uchun navbatni sherlar guldastasiga beramiz. Marhamat


1-boshlovchi: – O‘qituvchini yoshlik gulshanining posboni deydilar. Chindan ham o‘qituvchilik kasbining o‘ziga hos shavq-zavqi, mehrigiyosi va jozibador sehri bor.

2-boshlovchi Navbat 921-guruhi talabasi Mahmudov Rozmatjonga beramiz. Unuing ijrosida “Uztoz yaxshida” qo’shig’ini tinglaymiz.


2-boshlovchi: – Ha, o‘qituvchi go‘zallik sohibidir. Bu olijanob kasb egalari haqida ne-ne aziz odamlar qo‘llariga qalam olib jo‘shqin hislarini, yaxshi ezgu tilaklarini oq qog‘ozlar betiga bitgan. hayot abadiy, ammo u yosh avlod bilan hamisha barhayot. Avlod bor ekan unga ta’lim va tarbiya berayotgan o‘qituvchilar ham barhayot. Abadiy yashayveradi.

1-boshlovchi: –Nechoq baxtiyorman, ta’zimda shu tob

Sizning sha’ningizga bitmoqdaman bayt.

Ne odam bo‘lardim, qo‘limda kitob

Biror harf tanimay tursam men loqayd.

Sher. Muhammad yusuf (oddiy muallim) Ijro etadi 2-20-guruh talabasi Habibullayeva Fotimaxon. Marhamat

2-boshlovchi: – Kishi hayoti davomida ko‘p odamlar bilan uchrashadi, tanishadi, vaqt o‘tishi bilan esa ayrimlarining o‘zini ham, ismini ham unutadi. Lekin, ilm dargohidagi ustozning ismini hech kim hech qachon unutmasa kerak.

Siz-ku "Alifbo" dan "Qomus"gacha to

Bari-birisini tanitgan ustoz.

Ilk bor Siz ko‘rsatgan duraxshon Zuhro

Bukun she’rim ichra tashbiqdir mumtoz.
RAQS .Lazgi ijro etadi. 2-21guruh talabasi Rahmonova Diloromxon. marhamat
1-boshlovchi: – Siz mo‘jaz yurakda yoqolgan yog‘du

Oqibat quyoshdek socha olur nur,

Buyuklar haqqiga qasamyod gap bu:

Sizdan boshlanadi asli Tafakkur.

Yakunida

2-boshlovchi: – Olamda ko‘p erur muborak onlar,

Tabarruk zotlar ham garchand ko‘p erur,

Sizgadir ilk rahmat, aziz insonlar,

Munis muallimlar, Sizga tashakkur.

1-boshlovchi: – Shunday qilib, hurmatli mehmonlar, aziz o‘quvchilar bugungi bayram tadbirimiz niqoyasiga yetdi. Ustozlar xaqida qancha gapirsak, shuncha oz. Qancha faxrlansak, arziydi.

2-boshlovchi: – Farzand va shogirdlarning kamolini ko‘rish doimo sizlarga nasib etsin, aziz ustozlar!