«Yengil sanoat va to`qimachilik» fakulteti «yengil sanoat texnologiyalari» kafedrasi

Andozalar joylashmasi moduli (lay.assyst). Material va bichiq sarfini hisobga olgan holda, andozalar optimal joylashmasini yaratuvchi qulay programma. Uning funksiyalari andozalararo chiqitlar sarfini eng maqbul variantini topishga yordam beradi.

Qo‘lda. Foydalanuvchi modelь pasportiga barcha dastlabki ma’lumotlarni kiritib, ekranda andozalarni birma-bir to‘shamaga kursor vositasida joylaydi. Andozalarni joylashda andozalararo tirqishlar masofasi, tanda ipi yo‘nalishidan yo‘l qo‘yiladigan og‘ish miqdori va h.k. modul tomonidan avtomatik tarzda nazorat qilib boriladi. Joylashmani bajarish jarayonida ekranda andozalararo chiqitlar foizi ko‘rinib turadi, bu esa foydalanuvchiga o‘z ishi sifatini nazorat qilishga imkon beradi.

Avtomatik joylashma. Programma foydalanuvchi tomonidan berilgan modelь haqidagi dastlabki ma’lumotlar asosida avtomatik ravishda andozalar joylashmasini bajaradi. Foydalanuvchi o‘z malakasidan kelib chiqqan holda tayyor bo‘lgan joylashmaga o‘zgartirishlar kiritishi mumkin.

On-line rejimida qo‘shimcha programmalarni qo‘llagan holda avtomatik joylashma bajarish. Foydalanuvchi andozalar joylashmasini bajarish uchun dastlabki ma’lumotlar va model andozalari komplektini automarker saytiga (pullik xizmat) jo‘natadi. So‘ng to eng yaxshi natija olinguncha (minimum chiqitlar) modul avtomatik ravishda joylashmalarni bajaradi.