Yengil sanoat kurs ishi

5.BICHISH SEXIDAGI JARAYONLARNI YORITISH.

Bichiq detallarini tikishga tayyorlashda ular tekshirib chiqiladi. Buning uchun avval kiyim tikish me’yoriy hujjatlari bilan tanishib chiqish kerak. Tekshirish avra va astar gazlama bichiq detallarining bor-yo‘qligini aniqlashdan boshlanadi. Modelga binoan konstruksiya chiziqlari, gazlamaning guli aniqlab olinadi; tukning yo‘nalishi, detallar o‘rish va arqoq iplari yo‘nalishi bo‘ylab qanchalik to‘g‘ri bichilaganligi va bichiq detallarida to‘qimachilik nuqsoni bor-yo‘qligi tekshiriladi.Detallar o‘lchamining aniqligi bichiq bog‘lamidagi ustki va ostki detallarga andaza qo‘yib tekshiriladi. Agar avra, astar yoki bort qotirmasining detallari torroq yoki ruxsat etilgan chetlatishdan ortiqroq bo‘lib qolgan bo‘lsa, unda bichiq ishlab chiqarishga yuborilmaydi.

Ommaviy tikuv deganda ishlab chiqarish korxonalarida bitta
to‘shamadan ko‘p miqdorda kiyim bichish tushuniladi. Òikish va yig‘ish jarayonida detallarni adashtirib yubormaslik uchun avra detallarining o‘ng tomoniga raqam yozilgan talonni 68—1 klass maxsus mashinasida tikib qo‘yiladi. Astar bichig‘i detallarida teskari tomoniga «Meto» mashinasida, bo‘yoq yordamida raqam qo‘yiladi. Bichiq detallaridagi raqamlar yaxshi ko‘rinib turadigan va kiyimni tikishga xalaqit bermaydigan joyiga qo‘yiladi.
Bitta kiyimning hamma detallarida bir xil raqam yozilishi kerak. Yordamchi qatlamning detallari raqamlanmaydi. Astar va yordamchi qatlam detallari modeli, o‘lchami, ko‘rinishi va rangi jihatidan avra detallariga mos bo‘lishi lozim.
Bichilgan detallarning sifatini nazorat qilsh bir kishi zimmasiga yuklatilgan, bundan tashqari bichuv sexi masteri ham detallarni nazorat qilib turadi, bichilgan detallardagi nuqsonlar, noto’g’ri kesilganligi, razmerlarida adashmaslik uchun sex masteri javobgar hisoblanadi. Bichilgan detallar razmerlarining o’shish tartibidan joylashtirilib keying operatsiya uchun maxsus palkalarga joylanadi. Bichilgan detallar sonidan qatiy nazar bitta bitta ko’chirib chiqiladi.