«yangiyul poligraph service»

ALINING KUNDALIGI
Dilshod Rajab
Alining yosh bo‘lsa ham yaxshi odati bor. Har kuni 
taassurotlarini kundalik daftariga yozib boradi. Bugun u 
bobosi bilan Xotira maydoniga bordi. O‘rtada Motamsa
-
ro ona haykali, poyida Mangu olov yonmoqda. Bobosi 
http://eduportal.uz

---

143
maydon ayvonidagi temir kitoblardan birini uzoq varaq
-
ladi. Bir sahifasiga barmog‘ini qo‘ydi. So‘ngra ko‘zoyna
-
gini taqib, bir nimani pichirlab o‘qidi. Yonidagi o‘rindiq
-
qa Alini ham o‘tqazib, duoga qo‘l ochdi.
Ali bobosini kuzatib, jim turardi. Bobosi birdan 
ma’yus tortib, chuqur xo‘rsindi. Ko‘zlarida yosh g‘iltilla
-
di. Keyin unga yuzlanib: «Urushdan mening otam bilan 
akam qaytib kelmadi», — dedi. Ali bu holdan g‘alati 
bo‘lib ketdi. Bobosi uning ahvolini sezib: «Yurt uchun 
janglarda qurbon bo‘lganlarni eslab, yodini e’zozlash 
biz tiriklarning burchimiz», — deb qo‘ydi.
Keyin bobo-nabira orqaga qaytishdi. Endi Mustaqillik 
maydoni boshlanib, chiroyli manzaralar, favvoralar kishi
-
ga xush kayfiyat bag‘ishlardi. Ayniqsa, Ezgulik arkasi
-
ga, ko‘kka intilayotgan oppoq laylaklarga qarab ikkovi
-
ning ham yuzida quvonch porladi. 
— Qanday yaxshi-ya, — dedi bobosi mamnun en
-
tikib. — Tinchligimiz, ozodligimiz ramzi bu. Tinchlikning 
qadriga yetish kerak. 
Ular yaxshi kayfiyatda qaytishdi. O‘tgan-ketganlar bo
-
boga hurmat bilan salom berishdi. Hatto bir notanish yi
-
git ularni katta yo‘ldan o‘tkazib ham qo‘ydi. Avtobusda 
bir qiz: «Keling, bobojon», — deb joy bo‘shatdi. Ali ham 
bobosi kabi bu munosabatlardan juda xursand bo‘ldi. 
Uyga kelishgach, bir shodliklariga o‘n shodlik 
qo‘shildi. Bugungi Xotira va Qadrlash kuni bayrami bi
-
lan boboni qutlash uchun qarindosh-urug‘lar kelishgan. 
Ular bir hovli bo‘lib o‘tirishgan ekan. Ko‘p o‘tmay, Ali 
o‘qiydigan maktabning ham bir guruh bolalari ustozlari 
boshchiligida sovg‘alar ko‘tarib kelishdi. Alilarning hovli
-
si to‘yxonaga aylandi go‘yo.
http://eduportal.uz

---

144
Insonlar bir-birini hurmat-e’zoz qilib, mehr ko‘rsat
-
sa, qanday soz bo‘larkan. Ali kechki payt odatiga ko‘ra 
kundaligiga bugungi xulosalarini yozib qo‘ydi: «O‘tmishni, 
o‘tganlarni xotirlash, tinchlikni, tiriklarni qadrlash kerak».
1. Alining bobosi Xotira maydonidagi temir kitoblarni varaq-
lab turib, nima uchun xomush bo‘lib qoladi?
2. Alining bobosi oq laylaklarni nimaga o‘xshatadi?
3. Ali kundalik daftariga nima deb yozib qo‘ydi?