«yangiyul poligraph service»

Aql — yoshdan, odob — boshdan.
Bo‘lim yuzasidan savol va topshiriqlar:
1. O‘tmishda xalq o‘z qo‘shiqlarida nimalar haqida kuylagan? 
O‘tmishdagi xalq qo‘shiqlari bilan hozirgi qo‘shiqlar bir-biridan 
qanday farqlanadi? O‘zingiz bilgan xalq qo‘shiqlarini ayting.
2. Bo‘limdagi qaysi ertaklar sizga ko‘proq yoqdi? Siz yana 
qaysi ertaklarni o‘qigansiz? Multfilm qilib yaratilgan qanday 
ertaklarni bilasiz?
3. O‘zbek xalq ertaklari asosida «Men sevgan ertak» mav-
zusida rasm chizing.
4. «Mehnat kishini ulug‘laydi» mavzusida insho yozing.
http://eduportal.uz

---

105
ZUMRAD BAHOR
BAHOR
Qudrat Hikmat
Uchib yurar mayin shamollar
Yelpib-yelpib anhor yuzini.
Qirg‘oqlarda soyabon tollar
Oyna — suvda ko‘rar o‘zini.
Tong yellari o‘ynoqlab sekin,
Jiydazorga kirib yo‘qolar.
Maysa o‘tlar tebranib sekin,
Orqasidan kuzatib qolar.
Chumchuqlarning og‘zida cho‘p-xas,
In qo‘yishar tutlar ustiga.
Ko‘kni quchgan teraklar tinmas,
Oro berar kulrang po‘stiga,
Bedapoya yam-yashil o‘tloq,
Chinorlarda qushlar chug‘urlar.
Ko‘klam ko‘rkin ko‘rdingmi, o‘rtoq,
Chamanzordek hammayoq gullar.
1. She’rni ifodali o‘qing va yod oling.
2. «Mayin shamollar», «soyabon tollar», «tong yellari», 
«o‘tlar tebranib», «ko‘kni quchgan terak lar» iboralari
-
dan foydalanib, bahor tabiatini qayta hikoya qiling.
http://eduportal.uz

---

106
BAHOR TA’RIFIDA
Yusuf Xos Hojib
Sharqdan bahor nasimi esib keldi, olamni bezamoq 
uchun firdavs yo‘lini ochdi.
Oq rang ketib, bo‘z yerni alvon rang qopladi, olam 
o‘ziga oro berib bezanmoq taraddudiga tushdi.
Zerikarli qishni bahor nafasi haydadi, musaffo bahor 
yana o‘z hukmiga kirdi. Uyquga kirgan daraxtlar yana 
yashil to‘n kiydi, oq, sariq, ko‘k, qizil rangli harir yo
-
pinchiqlar bilan bezandi.
Bo‘z yer yuziga yashil parda tortdi, go‘yo Xitoy karvo
-
ni ipak matolarini har tomonga yoydi. Dala-tuz, tog‘, o‘nqir, 
past-baland qirlar ko‘k va alvon rangga ko‘milib burkan
-
di. Turli-tuman chechaklar qiyg‘os ochildi, olam ichi ifor va 
kofur isi bilan to‘ldi. Dimog‘larni chog‘ qiluvchi sabo yeli 
ko‘tarildi, butun olamga mushk-anbar hidi taraldi.
G‘oz, o‘rdak, oqqush, qilquyruqlar osmonni to‘ldi
-
rib qag‘illashib, yuqori-quyi uchmoqda. Mag‘rur turnalar 
ko‘kda ovozini baralla yangratmoqda, tizilgan tuya kar
-
vonidek uchmoqda.
Kaklik xushovoz bilan sayrab, qah-qah urib kulmoq
-
da, uning tumshug‘i qon kabi qizil, qoshi esa qop-qora.
Qora qarg‘a tumshug‘ini ko‘pirtirib qag‘illaydi, uning 
ovozi tantiq qizning ovozi kabi yoqimsizdir.
Gulzorda bulbul ming ohangda navo qilmoqda, tun-
kun tinmasdan yoqimli sayramoqda...
Osmonni bulut qoplagan, yomg‘ir yog‘moqda, gullar 
yuz ochib qah-qah urib kulmoqda.
1. Bahorda tabiatda qanday o‘zgarishlar bo‘ladi?
2. «Bo‘z yerni alvon rang qopladi», deganda nimani tushu
-
nasiz?
3. Bahorda o‘lkamizga qaysi qushlar uchib keladi?
http://eduportal.uz

---