Yangiyer Pedagogika kollejida “Navoiy bobomiz – qalb quyoshimiz” nomli tadbir bayonnomasi

Yangiyer Pedagogika kollejida

“Navoiy bobomiz – qalb quyoshimiz” nomli tadbir

BAYONNOMASI

“ ___” _______ 2021 yil Yangiyer sh.

Rais: Yoshlar ittifoqi yetakchisi:

Jo’raboyeva Shahnoza

Kotib: Kutubxonashunoslik fan o’qituvchisi

Rahmatova Cho’lponoy

Qatnashdilar: Kollej o’quvchilari

Kun tartibi:

1. 
   Alisher Navoiy hayoti va ijodi to’grisida ma’lumot berib o’tish
   

va g’azal, ruboiylaridan parchalar

2. 
   Navoiy siymosi aks ettirilgan sahna ko’rinish va kuy – qo’shiqlar
   

Tadbirni kollejimiz direktori Umerova Dilfuza Abdurahimovna ochib berdi va g’azal mulkining sultoni , buyuk mutaffakir olim Alisher Navoiy bobomiz tavalludining 580 yilligi bilan barchani muborakbod etdi. Navoiydek jahoniy zotga avlodlik va vorislik hissasi har bir o’zbekning shu jumladan biz yoshlarning qalbini g’urur va iftihor tuyg’ulari bilan to’ldirishini hamda Alisher Navoiyni anglash va his qilish o’zbek xalqining tarixini, madaniyatini, qalb ehtiyojlarini, o’zligini anglash va his etish ekanligini ta’kidladi.

Shundan so’ng A.Navoiy hayoti va ijodi haqida guruh o’quvchilari taqdimotlar namoyish etishdi. Alisher Navoiy betakror va boqiy siymodir. Uning yaratgan asarlari samodek tiniq, tongdek shaffof, musiqiy ohanglar bilan yog’rilgan.

Asarlarini o’qir ekanmiz, uning har bir satrida o’z xalqiga, insoniyatga mehr bilan bir jon bir tan ekanligini anglash qiyin emas.

Taqdimotni tinglab tadbirda ishtirok etgan har bir kishida Navoiy asarlariga mehr tuyg’usi uyg’ondi desak hech shubhasiz adashmagan bo’lamiz. Shunday ekan, Navoiyni, umuman mumtoz adabiyotni bilish har bir o’zbek farzandi uchun ham qarz ham farzdir. Shundan so’ng qizlar ishtirokida Navoiyning “Fido ” va “Ko’rgali husnungni” g’azallari jonli ijroda qo’shiq qilib kuylandi.

Kuy-qo’shiqlar hamohangligi bir-biriga ulanib tadbir qizg’in tus oldi. Bugungi go’zal kechada Navoiy g’azallari, ruboiylari o’quvchilar ijrosida talqin qilindi.

Tadbir davomida qizlari ijrosida go’zal raqslar ijro etildi, bu esa tadbirga o’zgacha shukuh berdi.


Tadbirda A.Navoiyning yoshlik chog’lari tasvirlangan “Navoiy va Guli” manologidan parcha taqdim etildi.

Tadbirimiz Navoiy siymosi aks ettirilgan sahna ko’rinish bilan yakunlandi.