Янги Ўзбекистоннинг 2022–2026 йилларга мўлжалланган тараққиёт стратегияси лойиҳасининг мазмун-моҳияти

Ўзбекистон Республикаси Президентининг 2022 йил 28 январдаги ПФ-60-сон Фармонига 1-иловада еттита устувор йўнилишни амалга ошириш бўйича юз мақсад белгилаб берилган.
I инсон қадрини юксалтириш ва эркин фуқаролик жамиятини янада ривожлантириш орқали халқпарвар давлат барпо этиш устувор йўналиши- 1-12 мақсадлар асосида;
II мамлакатимизда адолат ва қонун устуворлиги тамойилларини тараққиётнинг энг асосий ва зарур шартига айлантириш устувор йўналиши – 13-20 мақсадлар асосида;
III миллий иқтисодиётни жадал ривожлантириш ва юқори ўсиш суръатларини таъминлаш устувор йўналиши – 21-36 мақсадлар асосида;
IV адолатли ижтимоий сиёсат юритиш, инсон капиталини ривожлантириш устувор йўналиши – 37-70 мақсадлар асосида;
V маънавий тараққиётни таъминлаш ва соҳани янги босқичга олиб чиқиш устувор йўналиши – 71-78 мақсадлар асосида;
YI миллий манфаатлардан келиб чиққан ҳолда умумбашарий муаммоларга ёндашиш устувор йўналиши- 79- 88 мақсадлар асосида;
YII мамлакатимиз хавфсизлиги ва мудофаа салоҳиятини кучайтириш, очиқ, прагматик ва фаол ташқи сиёсат олиб бориш устувор йўналиши- 89-100 мақсадлар асосида амалга ошириш белгиланган.
Фармоннинг IV адолатли ижтимоий сиёсат юритиш, инсон капиталини ривожлантириш ва V маънавий тараққиётни таъминлаш ва соҳани янги босқичга олиб чиқиш йўналишларидаги мақсадлар эса, бевосита ёшлар таълим тарбияси билан шуғулланувчи касб эгалари учун яъни Олий таълимда фаолият олиб бораётган барча учун белгиланган асосий вазифалардир.
Бу мақсадларнинг асосий йўналишлари:
IV адолатли ижтимоий сиёсат юритиш, инсон капиталини ривожлантириш бўйича:
37-мақсад: Ҳар бир фуқарога давлат ҳисобидан аниқ касб-ҳунарга ўқиш имкониятини яратиш. Касбга ўқитиш кўламини 2 баравар ошириб, жами 1 миллион нафар ишсиз фуқарони касб-ҳунарларга ўқитиш ва бу жараёнда нодавлат таълим муассасаларининг иштирокини 30 фоизга етказиш.