Yangi yilim yaxshi yilim

Amudaryo tumani Xalq ta’limi bo‘limiga qarashli 50-sonli umumta’lim maktabida bo‘lib o‘tgan “Yangi yilim yaxshi yilim” deb nomlangan bayram tadbirini o’tkazish bo’yicha yig’ilish
BAYONNOMASI
2021-yil 27-dekabr Oq oltin OFY 50-maktab
Yig’ilish raisi: A. Eshniyozov
Kotibi: X. Abdukarimov
Qatnashdilar: O’IBDO’ R. Rajabova, MMIBDO’ A. Qurbonboyev, Oq OFY profilaktika inspektori M. Sipatdinov va o’qituvchilar jamoasi
KUN TARTIBIDA:

1. 
   “Yangi yilim yaxshi yilim” deb nomlangan bayram tadbirini o’tkazish haqida
   

TINGLANDI:
Yig’ilish Bayram dasturini maktab direktori A.Eshniyozov ochib berdi. U barchani kirib kelayotgan 2022-yil bilan qutlab, barchaga tinchlik, hotirjamlik, sog‘lik salomatlik, oilaviy baxt va totuvlik tiladi.
2021-yil 27-dekabrda Amudaryo tumani XTB ga qarashli 50-sonli umumiy o’rta ta’lim maktabida “Yangi yilim yaxshi yilim” bayram tadbiri bo‘lib o‘tdi. Bayram kechasiga maktab ma’muriyati, o‘quvchilar, ota-onalar va mehmonlar qatnashdilar.
Shundan so‘ng bayram tadbiri ochiq deb e’lon qilindi. Bayram kechasini 11-sinf o‘quvchilari olib bordilar.
Tadbir Yangi yilning ajoyib mehribon mehmonlari sanalmish Qorbobo va Qorqizni davraga taklif qilish bilan boshlandi. Qorbobo va Qorqiz tashrifi bayramga o‘zgacha fayz bag‘ishladi. Ular ham barchani Yangi yil bilan qizg‘in qutladilar va albatta bolajonlarga sovg‘alar tuhfa qildilar.
Maktab o‘quvchilari o‘zlarining Yangi yil sahna ko‘rinishlarini yig‘ilganlarga havola etishdi, o’quvchi-yigitlarning Yangi yil hazillari, turli qiziqarli sahna ko‘rinishlari, parodiyalari, musiqali chiqishlari bayram tomoshabinlarining kayfiyatini yanada ko‘tardi.
Tadbir davomida maktabimizning faol o’quvchi-qizlari o‘zlarining milliy, yangi yil bayramona raqslari bilan bayramga yanada zavq-u shavq bag‘ishladi.
Shundan so‘ng maktab ma’muriyati va yoshlar yetakchisi tomonidan 2021-yilning eng faol o‘quvchilari maktab ma’muriyati tomonidan diplom, faxriy yorliq va esdalik sovg‘alari bilan taqdirlandilar.
Bayram dasturi yakunida maktab MMIBDO’ A. Qurbonboyev O’IBDO’ R. Rajapovalar barchani kirib kelayotgan 2022-yil bilan qutlab, barchaga tinchlik, hotirjamlik, sog‘lik salomatlik, oilaviy baxt va totuvlik tiladi.

Yuqoridagilarga asoslanib, yig’ilish

QAROR QILADI:

1. 
   XTB mudirining 2021-yil 24-dekabrdagi №372/1 sonli xati axborot uchun qabul qilinsin.
   
2. 
   “Yangi yilim yaxshi yilim” shiori ostida o’tkazilgan bayram tadbiri namunali deb topilsin.
   
3. 
   Ushbu qarorning bajarilishini nazorat qilish maktab MMIBDO’ A.Qurbonboyev zimmasiga yuklatilsin.
   

Maktab direktori: A.Eshniyozov
Yig’ilish kotibi: X.Abdukarimov