Янги аср истеъдодлари-2021” Республика кўрик-танловини “online” тарзида ўтказиш тўғрисида

IV. Кўрик-танловни ўтказиш жойи ва муддати

4.1. Кўрик-танлов 2021 йил 11-12 июнь кунлари Қурилиш вазирлиги биносида ўтказилади. Ғолиблар вазирликнинг расмий www.mc.uz сайти орқали эълон қилинади ва ўрнатилган тартибда рағбатлантирилади.

V. Кўрик-танлов иштирокчилари

5.1. Кўрик-танлов олий таълим муассасаларининг бакалавр ҳамда магистр талабалари ўртасида бўлиб ўтади.

VI. Кўрик-танлов номинациялари

6.1. Энг яхши рангтасвир ва амалий санъат асари (рангтасвир, графика, ҳайкалтарошлик ва ўймакорлик);

6.2. Энг яхши архитектуравий инновацион лойиҳа ва макет;
6.3. Энг яхши меъморий таъмирлаш, қайта тиклаш лойиҳаси ва композиция;
6.4. Энг яхши ландшафт ва интерьер дизайни;
6.5. Энг яхши инновацион муҳандислик-коммуникация лойиҳалари ва ишланмалари;
6.6. Энг яхши инновацион қурилиш материаллари ва технологиялари;
6.7. Энг яхши инновацион бизнес лойиҳа;
6.8. Энг яхши зилзилабардош бинолар ва конструкциялар;
6.9. Энг яхши инновацион энергосамарадор лойиҳалар ва ишланмалар.

VII. Кўрик-танловда иштирок этиш тартиби

7.1. Кўрик танлов иштирокчиси ўз иштирокини маълум қилиш мақсадида ушбу Низомнинг 3.3-бандида келтирилган тартиб асосида рўйхатдан ўтган бўлиши шарт.

7.2. Номинациялар бўйича иштирокчилар (муаллифларнинг услуби
ва йўналишини аниқлаш мақсадида) тегишли ўқув йилида бажарилган ҳамда бошқа кўрик-танловда иштирок этмаган учтагача лойиҳа, ишланма ва ижодий ишлари билан қатнашиши мумкин. Эксперт гуруҳи ижодий ишларни саралашни ўз зиммасига олади.
7.3. Кўрсатилган муддатдан кечикиб тақдим этилган ва белгиланган тартибда расмийлаштирилмаган лойиҳалар, ишланмалар ва ижодий ишлар кўрик-танловга қўйилмайди.

VIII. Кўрик-танловга тақдим этиладиган лойиҳа, ишланма
ва ижодий ишлар учун талаблар

8.1. Лойиҳа, ишланма ва ижодий ишларда долзарблилик, инновацион ғоя, ечим ва тугалланганлик ўз аксини топиши лозим.

8.2. Кўрик-танлов иштирокчиси, лойиҳа, ишланма ва ижодий ишлар тўғрисидаги маълумотларни Ахборот хатида белгиланган тартибда [e-mail] электрон почтасига ўз вақтида жўнатилиши талаб этилади.
8.3. Кўрик-танловда иштирок этувчилар сони чекланмаган.

8.4. Ижодий ишлар ўртасида рақобат ёки баллар тенг бўлганда, лойиҳа

ва ишланмаларга доир иш муаллифларига масофавий тарзда саволлар берилиши мумкин.
8.5. Кўрик-танлов ғолиблари ҳайъат аъзолари томонидан аниқланади.
8.6. Кўрик-танловда иштирок этиш учун лойиҳа ва ишланмаларни юборишнинг охирги муддати ахборот хатида белгиланади.