Yandashova tursunoy rustam qizi

-l, -al (formal, gorizontal), -on (intonatsion ) kabi affikslar sifat yasovchi affikslar 

deb  talqin  qilinadi.

17

  Bu  fikrga  O.  Madrahimov  ham  o„zining  “O„zbek  tilida  sifat 

va  yangi  yasalgan  sifatlar  masalasiga  doir”  nomli  maqolasida  qo„shilib,  yangi 

yasalgan  sifatlar  haqida  so„z  yuritar  ekan,  rus  tili  orqali  o„zlashgan  sifatlar 

tarkibida  qo„llanuvchi  -ik,  -iv,  -al,  -l,  -ion,  -sion,  -atsion  affikslarini  o„zbek  tilida 

mustaqil  qo„llanuvchi,  o„zlashgan  sifat  yasovchi  affikslar,  deb  hisoblaydi.  Bu 

mulohaza dots. T.Xo„jayevning quyidagi fikrlari orqali inkor etiladi: “Bizningcha, 

antik,  kosmik,  genetik,  simfonik,  dekorativ,  operativ,  kooperativ,  aktiv,  real, 

optimal,  internatsional  sifatlari  yasaluvchi  negizlarga  va  yasovchi  affikslarga 

ajralmaydi.  Demak,  ular  affiksal  formali  sifatlar  emas.  Chunki  ular  o„zbek  tilida 

yasalgan  emas,  balki  o„zbek  tiligacha  yasalgan.  O„zbek  tilida  esa  ular  bitta 

morfema holida qisqartirish bilan hozirgi holatida, aniqrog„i affiksli formada emas, 

balki  morfemalarga  ajralmaydigan  negiz  formasida  qabul  qilingan.  Demak,  ular 

etimologik  jihatdangina  yasama  sifatlardir.  O„zbek  tilida  esa  ular  nisbatan  yangi 

so„zlar  bo„lgani  holda,  morfologik  strukturasi  jihatidan  tub  sifatlardir.”

18

  Ayni 

fikrlarga  Zafar  Pardayev  o„zining  “O„zbek  tilida  sifatlarning  semantik-uslubiy 

xususiyatlari”  ilmiy  monografiyasida  ham  qo„shilajagini  bildiradi  va 

T.Xo„jayevning yuqoridagi fikrlarini qo„llab–quvvatlaydi. Bizning fikrimizcha esa, 

yuqorida  tilga  olingan  o„zlashma  qo„shimchalar  internatsional  qo„shimchalar 

bo„lib, bora–bora o„zbek tiliga ham singishib, yangi o„zbekcha so„zlar yasalishiga 

xizmat qilishi ham mumkin. Buni biz o„zbek tilining tarixiy taraqqiyot evolutsiyasi 

orqali yaqqol isbotini  ko„rishimiz mumkin. Chunonchi arab tili orqali  o„zlashgan 

-iy,  -viy  yoki  fors  tili  orqali  kirib  kelgan  –xona,  -kor,  no–,  bo-,  be-  kabi 

qo„shimchalarning, dastavval, faqat o„zlashma so„z yasalishidagi ishtirokiga guvoh 

bo„lgan  bo„lsak,  keyinchalik  bu  qo„shimchalar  o„zbek  tili  affiksal  tarkibiga  shu 

                                                           

17

 Usmonov   S.   Sifat // Mirzayev  M.,   Usmonov   S.,    Rasulov   I.    O‘zbek   tili.   – Toshkent:  O‘qituvchi,    1978,   

100 – 109 – betlar. 

18

 Xo‘jayev  T.,    Mullajonova   H.    Yangi    yasalgan    sifatlar     tahliliga    tanqidiy    obzor //  O‘zbek    tili    

grammatik    qurilishi,    leksikologiyasi    va    dialektologiyasi   masalalari,   Samarqand:   SamDU   nashri,    1976,   

89 – 99 –betlar.    

---

15 

 

qadar singib ketdiki, endilikda biz ulardan bemalol sof o„zbekcha so„zlar yasashda 

ham  foydalanyapmiz.  Til  taraqqiyotida  bunga  o„xshash  misollarga  ko„plab  duch 

kelishimiz mumkin. Rus tili orqali o„zlashgan ba‟zi qo„shimchalarning taqdiri ham 

xuddi  shu  ko„rinishda  davom  etsa,  ajabmas.  Chunki  til  hamonki,  ijtimoiy  hodisa 

ekan,  unda  turfa  xil  o„zgarishlar  va  yangilanishlar  sodir  bo„lishi  juda  tabiiy  hol 

hisoblanadi.  

“Hozirgi  o„zbek  adabiy  tili”  (1-qism,1980)  nomli  darslik  o„zbek 

tilshunosligida  salmoqli  o„rin  tutadi.  Ana  shu  asardagi  “Sifat”  mavzusi  yirik 

tilshunos  olim  Azim  Hojiyev  qalamiga  mansub.

19

  Bu  darslikda  sifatlarning 

grammatik  xususiyatlarini  tahlil  etishda  oldingi  ishlarga  nisbatan  farqli  tomonlar 

ancha  ko„proq.  Eng  muhimi,  bu  ishda  sifatlar  asliy  va  nisbiy  deb  ikki  turga 

ajratilmagan, bunday  yo„l  tutishning  sababi  ham  ko„rsatilmagan.  Sifatlarda  oddiy 

(normal)  daraja,  orttirma  daraja  va  ozaytirma  daraja  mavjudligi  ta‟kidlangan. 

Orttirma  daraja  fonetik  usul  bilan  (dum–dumaloq,  ko„m–ko„k),  leksik  usul  bilan