Yakuniy biznes. 1-Savol. Tadbirkorlik faoliyati subyekti huquqlarining ustuvorligi deganda nimani tushunasiz?

12-Savol.
.Tadbirkorlik subyektlariga individual tarzdagi imtiyozlar beriladimi? Fikringizni normativ-huquqiy hujjatlar yordamida asoslantirib bering.

Qonun hujjatlariga ko'ra, bunday holatlar yuz berishiga yo'l qo'yilmaydi. Jumladan, ,,Raqobat to'g'risida"gi qonunning 12-moddasida ayrim xo‘jalik yurituvchi subyektlarga ularni tovar yoki moliya bozorida faoliyat ko‘rsatayotgan boshqa xo‘jalik yurituvchi subyektlarga nisbatan afzal holatga qo‘yadigan imtiyozlar, preferensiyalar va yengilliklarni asossiz ravishda berishi davlat boshqaruvi organlari, mahalliy davlat hokimiyati organlari va yuridik shaxslar birlashmalarining raqobatni cheklaydigan hujjatlari deb topiladi. Ya'ni bu bozor iqtisodining erkin raqobat prinspiga nomuvofiq hisoblanadi va bunday hujjatlar haqiqiy emas deb topilishi kerak.

13-Savol.
.Davlat royxatidan otmasdan turib tadbirkorlik faoliyatini amalga oshirishning huquqiy oqibatlarini tahlil qiling.

Ro‘yxatdan o‘tmasdan qonunga xilof ravishda tadbirkorlik faoliyatini yuritish deganda, yuridik shaxslar davlat reyestrida va yakka tadbirkorlar davlat reyestrida bunday yuridik shaxs tuzilganligi yoki jismoniy shaxs tomonidan yakka tartibdagi tadbirkor maqomi olinganligi haqida yozuv mavjud bo‘lmagan yoxud yuridik shaxs yoki jismoniy shaxsning yakka tartibdagi tadbirkor sifatidagi faoliyati tugatilganligi haqida yozuv mavjud bo‘lgan holda tadbirkorlik faoliyatini amalga oshirish tushuniladi.

Ro‘yxatdan o‘tishdan bo‘yin tovlagan holda ancha miqdorgacha (MJtK 176-moddasi ikkinchi qismi), shu jumladan takroran ancha miqdorda (MJtK 176-moddasi uchinchi qismi), savdo yoki vositachilik faoliyatini amalga oshirish uchun har doim ma’muriy javobgarlik kelib chiqadi.
O‘zbekiston Respublikasining Jinoyat kodeksi (bundan buyon matnda — JK) 188-moddasining birinchi qismi bo‘yicha jinoiy javobgarlik, basharti, ro‘yxatdan o‘tishdan bo‘yin tovlab ancha miqdorda savdo yoki vositachilik faoliyatini amalga oshirish uchun ma’muriy javobgarlikka tortilgan shaxs ma’muriy jazo qo‘llanilganidan so‘ng bir yil davomida (MJtK 37-moddasi) shunday qilmishni yana ancha miqdorda sodir etgan holdagina kelib chiqadi.
JK 188-moddasi ikkinchi va uchinchi qismlarida nazarda tutilgan kvalifikatsiya belgilari mavjud bo‘lganda, shaxs muqaddam ro‘yxatdan o‘tishdan bo‘yin tovlab, savdo yoki vositachilik faoliyatini amalga oshirish uchun ma’muriy javobgarlikka tortilgan yoki tortilmaganligidan qat’iy nazar, jinoiy javobgarlik kelib chiqadi.