Якуний назорат саволлари

Хусусий капитал(ХК)=Активлар(А) - Мажбуриятлар(М)
Хусусий капитал устав фондидан (устав капиталидан), қўшилган, захира капиталидан ва тақсимланмаган фойдадан таркиб топади. Ҳисоботнинг хусусий капитал тўғрисидаги қисмига оид тушунтириш хати “Ҳисоб сиёсати ва молиявий ҳисоботлар” Бухгалтерия ҳисоби миллий стандарти (1-сон БҲМС)да назарда тутилган талабларга мувофиқ тузилади.
Акциядорлик жамиятлари хусусий капитал тўғрисидаги тушунтиришда қуйидагилар ҳақидаги ахборотни келтирадилар:
а) обуна амалга оширилиши назарда тутиладиган акцияларнинг умумий сони ва номинал қиймати;
б) назарда тутилган миқдорлар билан таққослаганда обуна амалга оширилган акцияларнинг умумий миқдори ва номинал қиймати;
в) акцияларга обунанинг бориши чоғида олинган маблағлар умумий суммаси;
г) айрим турлар ва тоифалар бўйича устав капитали таркибидаги акциялар;
д) имтиёзли акциялар бўйича тўланмаган жамланган дивидендлар суммаси;
е) акциялар кўринишида тўланадиган дивидендлар, хусусан, тўланадиган акцияларнинг сони ва қиймати, шунингдек, уларнинг турлари ёки тоифалари тўғрисида;
ж) ҳисобот даврида юз берган майдалаш ёки қўшиб юборишлар ва акцияларнинг майдаланиши ёки қўшиб юборилишигача ва ундан кейинги акцияларнинг номинал қиймати тўғрисидаги. “Хусусий капитал” ёки “капитал” тушунчаси иқтисодий тоифалар таркибига кириб, унинг мазмунини маблағ қўйиш, жойлаштириш ташкил этади. У даромад келтирувчи манбадир.
AКТИВ = ХУСУСИЙ КAПИТAЛ + МAЖБУРИЯТЛAР
Хусусий капитал деганда хўжалик юритувчи субъектга тегишли бўлган мулкнинг қиймати тушунилади. Бу капитал жами капитал билан карзга олинган капиталнинг ўртасидаги фарқ сифатида аниқланиши мумкин, яъни:
Кх = Кж - Кқ.
Бунда, Кх - хусусий капитал, Кж - жами капитал, Кқ - карзга олинган капитал.
Хусусий капиталнинг шаклланиш манбалари куйидагилар: акциядорларнинг маблаглари, таъсисчилар улуши, фаолиятдан олинган фойда ва кайтариб бермаслик шарти билан олинган маблаглар