Yagona interaktiv davlat xizmatlari portalidan foydalanish yoʻnalishlari

Natijalar va ularning muhokamasi
Oʻzbekistonda elektron hukumat tizimini yanada rivojlantirishda xorij tajribasini qoʻllash, xususan, dunyoda elektron hukumat tizimi boʻyicha yetakchi davlatga aylangan Daniya tajribasini oʻrganish orqali koʻproq ijobiy natijaga erishish mumkin. Daniyada elektron hukumat boshqaruviga dastlabki qadamlar 1968-yilda mamlakat fuqarolarining markaziy maʻlumotlari bazasi CPR-reestri joriy qilinganda tashlangan. Bu mamlakat davlat boshqaruvini raqamlashtirishni yaqin 20 yil davomida 4 ta asosiy bosqich orqali amalga oshirdi. 2001-yilda yaratilgan elektron imzo dastlabki boshqich boʻlsa, 2004-yilda “Easy account” yaratish orqali ikkinchi, 2007-yilda “EasyID” uchinchi hamda 2011-yilda “Digital Post” – raqamli pochtaga ega boʻlish barcha fuqarolar va korxonalar uchun majburiy qilib qoʻyilganligi toʻrtinchi bosqich boʻldi.[5] Bundan tashqari, Daniyada internet bilan ta’minlanganlikning yuqori darajasi va aholining internet tarmogʻidan foydalanish salmogʻi oshayotgani elektron hukumat boshqaruvini keng qamrovda rivojlantirish imkonini beradi.
Xulosa qilib aytganda, hozirda mamlakatimizda axborot-kommunikatsiya texnologiyalari va elektron hukumat boshqaruvi tizimini yanada rivojlantirish boʻyicha koʻplab dasturlar ishlab chiqilayotganligi va amalga oshirilayotganligi ijobiy holat sifatida baholanadi. Biroq, internet tezligining yuqori emasligi va aholi orasida internet tarmogʻidan foydalanish darajasi past ekanligi tufayli elektron hukumat boshqaruv tizimidan foydalanishda bir qator toʻsiqlar yuzaga keladi. Zero, mamlakatdagi rivojlangan internet tarmogʻi elektron hukumat boshqaruvini amalga oshirishning muhim omili boʻlib xizmat qiladi. Mamlakatimizdagi yagona interaktiv davlat xizmatlari portali fuqarolarning davlat xizmatlaridan foydalanishlari uchun shaffoflikni va ishochlilikni taʻminlab bersa, internet tezligi va sifati darajasi bilan aholi orasidagi internet qamrovi yagona portaldan foydalanish imkoniyatlarini belgilab beradi. Oʻzbekistonda yagona interaktiv davlat xizmatlari portalidan samarali foydalanish uchun mamlakatda internet tezligini yanada kuchaytirish, xususan, 5G texnologiyalarini keng joriy etish va qamrovini oshirish zarur.

Foydalanilgan adabiyotlar roʻyxati

1. https://lex.uz/ru/docs/-3353186 Oʻzbekiston Respublikasi Vazirlar Mahkamasining 2017-yil 15-sentabrdagi “Oʻzbekiston Respublikasi yagona interaktiv davlat xizmatlari portali orqali elektron davlat xizmatlari koʻrsatish tartibini takomillashtirish chora-tadbirlari toʻgʻrisida”gi 728-sonli qarori
2. https://my.gov.uz Yagona interaktiv davlat xizmatlari portali - Statistik maʻlumotlar
3. https://www.un.org 2020 United Nations E-Government Survey
4. http://publicadministration.un.org/en/Research/UN-e-Government-Surveys 2020 E-Government Development Index
5. https://digileaders.com/how-denmark-made-it-to-the-top-e-government/ written by Danish Ambassador Lars Thuesen, “How Denmark made it to the top e-Government”