Я. Алиев – тдиу “Саноат иқтисодиёти” кафедраси доценти, и ф. д

 
5.3. Ўзбекистон Республикаси метрология хизмати 
тузилмаси 
Метрологияга оид фаолиятни давлат томонидан бошқаришни 
метрология бўйича миллий орган – Ўзбекистон стандартлаштириш, 
метрология ва сертификатлаштириш агентлиги ("Ўзстандарт" 
агентлиги) амалга оширади.
“Ўзстандарт” ваколатига:

---

69 

метрология соҳасида ягона давлат сиёсатини амалга 
ошириш, метрологияга оид фаолиятни минтақалараро ва 
тармоқлараро мувофиқлаштириш;

миллий эталонларни яратиш, тасдиқлаш, сақлаш ва қўллаб-
қувватлаш ҳамда уларнинг халқаро даражада солиштиришни 
таъминлаш қоидаларини белгилаш;

ўлчов воситалари, усуллари ва натижаларига қўйиладиган 
умумий метрологик талабларни аниқлаш;

давлат метрология текшируви ва назоратини амалга 
ошириш;

метрология масалалари бўйича норматив ҳужжатларни, шу 
жумладан, давлатнинг бошқа бошқарув органлари билан 
ҳамкорликда Ўзбекистон Республикасининг бутун ҳудудида 
мажбурий кучга эга бўлган норматив ҳужжатларни қабул қилиш;

метрология соҳасида илмий ва муҳандис-техник кадрлар 
тайёрлаш;

Ўзбекистон Республикасининг метрология соҳасидаги 
халқаро шартномаларига риоя этилиши устидан назоратни амалга 
ошириш;

метрология масалалари бўйича халқаро ташкилотлар 
фаолиятида қатнашиш киради; 

Ўзбекистон 
Республикасининг 
ўлчовларнинг 
ягона 
бирликда бўлишини таъминлаш тизими фаолият олиб бориши ва 
ривожланишини ҳамда унинг халқаро ўлчов тизими ва бошқа 
мамлакатларнинг ўлчовлар тизимлари билан уйғунлашувини 
таъминлаш;

истеъмолчилар ҳуқукларини, фуқароларнинг соғлиғи ва 
хавфсизлигини, атроф-муҳитни ҳамда давлат манфаатларини 
нотўғри ўлчов натижаларининг салбий оқибатларидан муҳофаза 
қилишга доир чора-тадбирларни амалга ошириш.
Ўлчовларнинг ягона бирликда бўлишини таъминлашга оид, 
метрология нормалари ва қоидаларини белгиловчи ҳамда 
Ўзбекистон Республикаси ҳудудида мажбурий кучга эга бўлган 
норматив ҳужжатларни тасдиқлаш ва давлат рўйхатидан ўтказишни 
"Ўзстандарт" агентлиги амалга оширади.
Маълумотларидан кўриш мумкинки, унда метрологик
фаолиятнинг асосий йўналишлари келтирилган бўлиб, унга кўра, 
метрологик фаолият иқтисодиётнинг барча тармоқларида ўлчашлар 
бирлигини таъминлашга қаратилган фаолият бўлиб, асосан, 

---

70 
иқтисодий муносабатлар мувозанатини таъминлашга, маҳсулотлар, 
хизматлар ва жараёнлар хавфсизлигини таъминлашга ҳамда 
маҳсулот ва хизматлар сифатини таъминлашга қаратилган фаолият 
ҳисобланади.
Ўзбекистон Республикасининг корхоналари, ташкилотлари, 
давлат бошқарув органлари, юридик шахслар бирлашмалари 
метрология соҳасидаги давлат метрология текшируви ва назорати 
татбиқ этиладиган доирадан ташқаридаги нормалар ва қоидаларни 
белгилайдиган, 
ўлчовларнинг 
ягона 
бирликда 
бўлишини 
таъминлашга оид, "Ўзстандарт" агентлиги томонидан тасдиқланган 
норматив ҳужжатларни аниқлаштирадиган ва уларга зид бўлмаган 
норматив ҳужжатларни ўз ваколатлари доирасида ишлаб 
чиқишлари ҳамда тасдиқлашлари мумкин.