Я. Алиев – тдиу “Саноат иқтисодиёти” кафедраси доценти, и ф. д

«ЎЗСТАНДАРТ» АГЕНТЛИГИ ҲУЗУРИДАГИ СТАНДАРТЛАШТИРИШ, 
СЕРТИФИКАТЛАШТИРИШ ВА ТЕХНИК ЖИҲАТДАН ТАРТИБГА СОЛИШ 
ИЛМИЙ-ТАДҚИҚОТ ИНСТИТУТИ ФАОЛИЯТИНИ ТАШКИЛ ЭТИШ 
ТЎҒРИСИДА 
Вазирлар Маҳкамасининг 2019 йил 14 мартдаги 220-сон қарорига
1-ИЛОВА
«Ўзстандарт» Агентлиги ҳузуридаги Стандартлаштириш, сертификатлаштириш ва 
техник жиҳатдан тартибга солиш илмий-тадқиқот институти тўғрисидаги
УСТАВИ 
1-боб. Умумий қоидалар 
1. Ушбу Устав «Ўзстандарт» Агентлиги ҳузуридаги Стандартлаштириш, 
сертификатлаштириш ва техник жиҳатдан тартибга солиш илмий-тадқиқот институтининг 
(кейинги ўринларда Институт деб аталади) ҳуқуқий мақоми, асосий вазифалари, ҳуқуқ ва 
мажбуриятларини, фаолиятини ташкил этиш тартибини белгилайди.
2. Институт ўз фаолиятида Ўзбекистон Республикасининг Конституцияси ва 
қонунларига, Ўзбекистон Республикаси Олий Мажлиси палаталарининг қарорлари, 
Ўзбекистон Республикаси Президентининг фармонлари, қарорлари ва фармойишларига, 
Ўзбекистон Республикаси Вазирлар Маҳкамасининг қарорлари ва фармойишларига, 
«Ўзстандарт» Агентлигининг буйруқлари, қарорларига, бошқа қонун ҳужжатларига ва 
ушбу Уставга амал қилади.
3. Институт фаолиятини молиялаштириш Институтга ажратиладиган бюджет 
маблағлари доирасида Ўзбекистон Республикаси Давлат бюджети маблағлари ҳисобига, 
шунингдек, амалдаги қонун ҳужжатларида ман қилинмаган бошқа манбалар ва маблағлар 
ҳисобига амалга оширилади. 
4. Институт юридик шахс ҳисобланади, ўзининг алоҳида мулкига, мустақил 
балансига, Ўзбекистон Республикаси Давлат герби тасвири туширилган ва давлат 
тилидаги ўз номи ёзилган муҳрга, миллий ва хорижий валютадаги ҳисоб рақамларига эга 
бўлади. 
5. Институт стандартлаштириш, техник жиҳатдан тартибга солиш, метрология ва 
мувофиқликни баҳолаш, кадрлар малакасини ошириш ва қайта тайёрлаш соҳасида давлат 
илмий муассаса ҳисобланади. 
6. Институтнинг расмий номланиши: 
а) давлат тилида: 
тўлиқ номи — «Standartlashtirish, sertifikatlashtirish va teхnik jihatdan tartibga solish 
ilmiy-tadqiqot instituti» davlat muassasasi; 
қисқартирилган номи — Standartlar instituti; 

---

144 
б) инглиз тилида: 
тўлиқ номи — State institution «Scientific-research institute for standardization, 
certification and technical regulation»;
қисқартирилган номи — Institute of Standards; 
в) рус тилида:
тўлиқ номи — Государственное учреждение «Научно-исследовательский 
институт стандартизации, сертификации и технического регулирования»; 
қисқартирилган номи — Институт стандартов.
7. Институт жойлашган жой (почта манзили): Ўзбекистон Республикаси, Ташкент 
шаҳри, Чўпонота кўчаси, 9-В уй.