Xvii bob. Ehtimollar nazariyasi asoslari

В guruh
17.16. Pul – buyum loteriyasida 1000 ta biletli har bir seriyaga 120 ta pul yutug’i va 80 ta buyum yutug’i to’g’ri keladi. Bitta loteriyasi bor kishiga pul yutug’i yoki buyum yutug’i, umuman yutuq chiqish ehtimolini toping.

17.17. Merganning bitta o’q uzishda 10 ochko urish ehtimoli 0,15 ga, 9 ochko urish ehtimoli 0,35 ga, 8 yoki undan kam ochko urish ehtimoli 0,5 ga teng. Merganning bitta o’q uzishda kamida 9 ochko urish ehtimolini toping.

17.18. 10 ta detalli partiyada 8 ta standart detal bor. Tavakkaliga olingan ikkita detaldan kamida bittasi standart bo’lish ehtimolini toping.

17.19. Uchta yashikning har birida 10 tadan detal bor. Birinchi yashikda 9 ta, ikkinchi yashikda 8 ta, uchinchi yashikda 7 ta standart detal bor. Har bir yashikdan tavakkaliga bittadan detal olinadi. Olingan uchala detal standart bo’lish ehtimolini toping.

17.20. Yashikda 10 oq va 5 ta qora shar bor. Yashikdan ikki marta tavakkaliga bittadan shar olinadi. Olingan sharlar yashikka solinmaydi. Agar birinchi olingan shar qora bo’lsa (A hodisa), ikkinchi olingan shar oq bo’lish (B hodisa) ehtimolini toping.

17.21. Yashikda 6 ta shar bor, ulardan uchtasi qizil rangda. Yashikdan tavakkaliga 2 ta shar olindi. Ikkala sharning ham qizil rangda bo’lish ehtimolini toping.

17.22. Ikkita mergan bittadan o’q uzishdi. Birinchi merganning nishonga tekkazish ehtimoli 0,7 ga, ikkinchisiniki esa 0,6 ga teng. Merganlardan aqalli bittasining nishonga tekkazish ehtimolini toping.

17.23. Student imtihonga programmadagi 25 ta savoldan 20 tasini bilib keldi. Imtihon oluvchi studentga 3 ta savol berdi. Studentning uchala savolni ham bilish ehtimolini toping.

17.24. Student imtihon biletlaridan ba’zilarini bilmaydi. Student uchun qaysi holda u bilmaydigan biletni olish ehtimoli kichik bo’ladi: birinchi bo’lib olgandami yoki eng oxirida olgandami?