Xvii bob. Ehtimollar nazariyasi asoslari

17.28. 1 – masala shartida, agar tavakkaliga olingan mahsulot yaroqli ekanligi ma’lum bo’lsa, uni 1 – korxonada tayyorlangan bo’lish ehtimolini toping.

17.29. Ichida 2 ta shar bo’lgan idishga bitta oq shar solinib, shundan keyin idishdan tavakkaliga bitta shar olingan. Sharlarning dastlabki tartibi (rangi bo’yicha) haqida mumkin bo’lgan barcha gipotezalar teng imkoniyatli bo’lsa, u holda olingan sharning oq rangda bo’lish ehtimolini toping.

17.30. Benzokolonka joylashgan shossedan yuk mashinalari sonining o’sha shossedan o’tadigan yengil mashinalar soniga nisbatan 3:2 kabi. Yuk mashinasining benzin olish ehtimoli 0,1 ga teng, yengil mashina uchun bu ehtimol 0,2 ga teng. Benzokolonka yoniga benzin olish uchun mashina kelibto’xtadi. Uning yuk mashina bo’lish ehtimolini toping.

17.31. Chigitning unuvchanligi 70 % bo’lsa, ekilgan 5 ta chigitdan: a) uchtasining; b) ko’pi bilan uchtasining; c) kamida uchtasining unib chiqish ehtimolini toping.

17.32. Ikki teng kuchli raqib shaxmat o’ynamoqda. Qaysi ehtimol kattaroq:

a) raqiblardan birining ikki partiyadan bittasini yutish ehtimolimi yoki to’rt partiyadan ikkitasini yutish ehtimolimi?

b) to’rt partiyadan kamida ikkitasini yutish ehtimolimi yoki besh partiyadan kamida uchtasini yutish ehtimolimi? Durang natijalar e’tiborga olinmaydi.

17.33. Ikki mergan bir vaqtda nishonga o’q uzmoqda. Bitta o’qni uzishda nishonga tekkizish ehtimoli birinchi mergan uchun 0,8 ga, ikkinchi mergan uchun 0,6 ga teng. Agar bir yo’la 15 marta o’q uziladigan bo’lsa, ikkala merganning ham nishonga tekkizishlarning eng katta ehtimolli sonini toping.

17.34. Agar 49 ta bog’liq bo’lmagan tajribada hodisa ro’y berishning eng katta ehtimolli soni 30 ga teng bo’lsa, tajribalarning har birida hodisaning ro’y berish ehtimoli p ni toping.