Xususiy mexanik tebranishlar

MAShQLARNI YECHISh UCHUN USLUBIY KO‘RSATMALAR
Garmonik tebranishlar, sinus yoki kosinus qonunlariga bo‘ysinuvchi funksiyalar orqali ifodalanadi. Qaysi funksiyani qo‘llash boshlang‘ich shartlar orqali belgilanadi. Mashqlarni yechishda ko‘pgina hollarda berilgan siljish tenglamasi orqali parametrlarni topish talab qilinadi. Bunday hollarda garmonik tebranma harakat tenglamasi bilan solishtirilib, davr, fasi va boshlang‘ich fazalarni topish mumkin.

Boshqa tipdagi mashqlarda esa siljish, tezlik, tezlanishlarni oniy qiymatiga qarab ba`zi parametrlarni topish talab qilinadi. Bunday hollarda maksimal siljish amplitudaga tengligi nazarda bo‘lishi kerak. Agarda vaqtning biror daqiqasida siljish maksimal qiymatga erishsa bu holda tebranishlar fazasi ga teng, tezlikning maksimal qiymatida esa faza va tezlanish nolga teng.

Bir guruh massalalarda esa energiyani bir turdan boshqa turga aylanishi va energiyani saqlanish qonuni va dinamik xarakteristikalarni bog‘lanishidan foydalanib xarakat tenglamasini tuzish talab qilinadi.

Ikkita o‘zaro perpendikulyar xarakatda ishtirok etuvchi nuqtani traektoriyasini topish zarur bo‘lsa, bu holda tenglamalardan vaqtni yo‘qotib topiladi.

Fizik mayatnikni davrini topish mashqlarida esa aylanish o‘qi massa markazidan o‘tmasligi va uni esa Shteyner tenglamasidan foydalanib topish kerakligini nazardan chetda qolmasligi kerak.

Tebranma jarayonlarga bag‘ishlagan mashqlarni yechish uchun asosiy formula va qonunlarni aniq bilish va ular orasidagi (tezlik, tezlanish va siljish) bog‘lanishlarni bilish kerak.