Xotirangiz mangu barhayot

Xotirangiz mangu barhayot

Insoniyat tarixiga nazar tashlaydigan bo’lsak,ming yillar mobaynida davlat yetakchisining nomi butun mamlakat ramziga aylangan holatlar kamdan-kam kuzatiladi. Jahonda qanchadan-qancha davlat rahbarlari orasida o’z mamlakati taraqqiyotida tarixiy burilish yasay olgan yetakchilargina bunday sharafga erishgani sir emas. Hech shubhasiz ,Birinchi Prezidentimiz Islom Karimov ana shunday atoqli davlat arboblari sirasiga kiradi.

Birinchi Prezidentimiz nomi bugungi kunda haqli ravishda zamonaviy O’zbekistonning eng yorqin ramziga,mustaqilligi va taraqqiyotining kafolatiga aylangan. Uning metin irodasi, noyob rahbarlik iste’dodi,barcha muammolar haqida ochiq va haqqoniy gapirib, odamlarni ishontira olishi, yaxshi-yomon kunlarda xalq bilan birga bo’lib el-yurtning dard-u quvonchiga doimo sherik bo’lishni o’zining hayotiy maslagi, oliy insoniy burchi deb bilishi unga nisbatan xalqimizning yuksak e’tirofi va ehtiromini uyg’otdi.

Birinchi Prezidentimizning puxta o’ylangan va qat’iy olib borgan siyosati O’zbekiston xalqining bunyodkorlik salohiyati to’la- to’kis ro’yobga chiqishi, xalqimizning o’z tanlagan yo’lidan og’ishmay oldinga borishi,Vatanimiz taraqqiyot yo’lida yangi,yuksak marralarga erishishidan dalolat beradi.

Birinchi Prezidentimiz Islom Karimov :,,Mana shunday oli- janob, bag’rikeng xalqimizga farzandlik mehri va sadoqati bilan xizmat qilish –men uchun eng oliy sharaf, oliy saodatdir,”-deb ta’kidlaydi. Uning butun hayoti va faoliyati yurak qa’ridan chiqqan bu so’zlarning yaqqol tasdig’idir.