Xotira haqida umumiy tushuncha

Shunday qilib, mazkur toifadagi bolalarda quyidagi xotira xususiyatlari kuzatiladi:

• 
  ko‘rish xotirasi ko‘lami deyarli me’yorga to‘g‘ri keladi, geometrik figuralarning esda qolishi bundan mustasno;
  
• 
  eshitish xotirasi vazifaning umumiy pasayishi;
  
• 
  kechiktirilgan qayta tiklashning quyi darajasi;
  
• 
  mazmunli, mantiqiy eslab qolishning nisbatan saqlanishi.
  

Ammo, bu turdagi bolalarda bor qiyinchiliklarga qaramasdan fikrlash, mantiqiy eslab qolish imkoniyatlari nisbatan saqlangan bo‘lib qoladi.
Xotirani o‘rganish uslubiyati Tezkor xotira.
Uslubiyat qisqa muddatli xotira rivojlanishi darajasini o‘rganish uchun mo‘ljallangan.
Bolaga ko‘rsatma beriladi: «Men har bir qatorda beshtadan bo‘lgan o‘n qator sonlarni o‘qiyman. Sening vazifang – bu sonlarni o‘qilgan tartibda eslab qolish, keyin bo‘lsa xayolda birinchi soni ikkinchisi, ikkinchisini uchinchi bilan, uchinchini to‘rtinchi bilan, to‘rtinchini beshinchi son bilan qo‘shish, olingan to‘rtta yig‘indini kerakli qatorga yozish».
Eslatma: metodikada qo‘llanadigan qatorlar soni yosh xususiyatlariga ko‘ra har qatorda to‘rttadan son bo‘lgan besh qatordan maksimalgacha o‘zgarishi mumkin. Qatorlarni o‘qish orasidagi vaqt yoshga ko‘ra 15 – 25 soniya bo‘lishi kerak.
Uzoq muddatli xotira.
Uslubiyat uzoq muddatli xotira rivojlanishi darajasini o‘rganish uchun mo‘ljallangan.
Bolaga ko‘rsatma beriladi: «Hozir men bir qator so‘zlarni o‘qiyman, sen esa, ularni eslab qolishga harakat qil. Tayyorlan, diqqat bilan eshit: stol, sovun, odat, vilka, kitob, palto, bolta, daftar, sut, shim». So‘zlar qatori bir necha bor o‘qiladi. Tekshiruv 10 daqiqadan keyin, uch kun amalga oshiriladi.
Interpritatsiya. Uzoq muddatli xotira koeffitsenti quyidagi formulaga ko‘ra hisoblab chiqiladi: S = V/A x 100%, bu yerda:
А - umumiy so‘zlar soni;
V – eslab qolingan so‘zlar soni;
S – uzoq muddatli xotira koeffitsenti.