Xorazm ma’mun akademiyasi axborotnomasi – /2019 Ўзбекистон республикаси фанлар

С.Б. Бўриев, б.ф.д., проф., Бухоро давлат университети, Бухоро 
А.М. Қобилов, таянч доктарант, Бухоро давлат университети, Бухоро
 
Аннотация: Мақолада Қора-қир кўлидаги фитопланктонлар, юксак сув ўсимликларининг 
турлари, махсулдорлиги ва уларнинг аҳамияти баён этилган. Ўсимликлардан физиологик моддаларга 
бой бўлган турларини кўпайтириб, ўсимликхўр балиқларга озуқа сифатида қўллаш ҳақида 
маълумотлар берилган. 

---

XORAZM MA’MUN AKADEMIYASI AXBOROTNOMASI – MAXSUS SON_____
 
13
Калит сўзлар: Фитопланктон, гидрофитлар, гигрофитлар, гидатофитлар, оқ амур, оқ 
дўнгпешона, қамиш, рдест, хлорелла, сценедесмус. 
Аннотация: В статье изложены материалы о фитоплактонаъ, высших водных растениях 
озера Кара-кира, о продуктивности и их значении. Приведены сведения о использовании растений с 
высоким содержанием физиологически активных веществ в качестве корма растительноядных рыб.
Ключевые слова: Фитопланктон, гидрофиты, гигрофиты, гидатофиты, белый амур, белый 
толстoлоб, хлорелла, сценедесмус. 
Abstract. The article includes materials about the productivity and importance of phytoplankton, types 
of higher aquatic plants of the lake Qora-Qir. Some information was given on breeding of plants rich with 
physiological substances, and using them as fodder for fish. 
Key words: phytoplankton, hydrophytes, hygrophytes, aquatic plants, grass carp, silver carp, chlorella
Кириш 
Ўтган асрнинг 90-йилларидан бошлаб Орол денгизида балиқ овлаш тўхтаб қолди. Аҳолининг 
балиқ махсулотларига бўлган талабини қондириш учун Республиканинг ички сув ҳавзаларида – 
кўллар, сув омборлари, ҳовузларда балиқ етиштириш йўлга қўйилди. Ҳозирги кунда юқорида айтилган 
сув ҳавзаларидан балиқ овлаш учун аввало уларнинг ҳолатини яхшилаш ва табиий озуқа базасини 
яратиш энг муҳим масала бўлиб ҳисобланади. 
Бугунги кунда балиқчиклик хўжаликларидан олинадиган соф даромад асосан балиқларни 
озиқлантириш ва парваришлашга боғлиқ. Агар табиий озиқа базасидан фойдаланилса олинадиган 
даромат юқори бўлади. 
Қора-қир кўли Бухоро шаҳрининг шимолий ғарбида жойлашган. У тарқоқ ва саёз сувликлардан 
иборат. Шимолий коллектор асосий сув манбаси ҳисобланади. Кўл ҳудудида 4 та балиқчилик хўжалиги 
ташкил этилган бўлиб, умумий майдони 22.5 минг гектарни ташкил қилади. Ҳозирги вақтда Қора-қир 
кўлининг балиқ махсулдорлигини ошириш бўйича бир қатор ишлар амалга оширилмоқда. Кўл 
ҳудудида садок балиқчилик хўжалиги ташкил қилинди ва қўшимча балиқлаштириш ишлари олиб 
борилди. Аммо бу тадбирлар етарли даражада балиқ махсулдорлигини ошишига таъсир кўрсата 
олмаяпти.
Кўлнинг балиқ турлари таркибида бирорта ҳам ўсимликхўр балиқлар, яъни оқ амур ва оқ 
дўнгпешона балиқлари учрамайди. Бу балиқ турларини жадал усулда кўпайтиришдан олдин кўлнинг 
ўсимликхўр балиқлар учун керак бўлган асосий озуқа базасини ўрганиш талаб этилади. Аниқланган 
озуқа базасига қараб балиқлаштириш нормалари ишлаб чиқилади.